DigitalHub, Author at DigitalHub101

មុខងារថ្មីរបស់ហ្វេសប៊ុក – Access Your Information

Access Your Information ផ្តល់ភាពងាយស្រួលដល់ម្ចាស់គណនីក្នុងការចូលទៅមើលពីព័ត៌មានរបស់ខ្លួនដែលមាននៅលើបណ្តាញសង្គមមួយនេះ ហើយពួកគេក៏អាចបិទ លុប ឬកែប្រែមុខងារខ្លះនៅលើហ្វេសប៊ុករបស់ពួកគេ។

កាលពីមុន ហ្វេសប៊ុកបានបែងចែកចំណាត់ថ្នាក់ធំៗតែពីរប៉ុណ្ណោះគឺ Your Information និង Information About You ប៉ុន្តែមុខងារថ្មីនេះ បានបែងចែកចំណាត់ថ្នាក់ព័ត៌មានជា៨ផ្សេងៗគ្នា រួមមានៈ

Your Activity Across Facebook
បង្ហាញពីព័ត៌មាន និងសកម្មភាពមួយចំនួននៅលើហ្វេសប៊ុកមានដូចជា ផូសដែលអ្នកបានបង្ហោះ វីឌីអូដែលអ្នកបានមើល មតិរបស់អ្នក (comments) ក្រុមដែលអ្នកបានចូលរួចជាដើម។
Friends and Followers
បង្ហាញព័ត៌មានអំពីមិត្តភក្តិនៅក្នុងហ្វេសប៊ុក មិត្តភ័ក្តដែលអ្នកបានស្នើសុំ (Request) មនុស្សដែលអ្នក Follow និងមនុស្សដែល Follow អ្នក។
Preferences
បង្ហាញព័ត៌មានមួយចំនួនដូចជាមុខងារកំណត់សម្គាល់ផ្ទៃមុខ (Face Recognition) របស់អ្នកដោយស្វ័យប្រវត្តិនៅពេលមានរូបភាពអ្នកនៅលើហ្វេសប៊ុក។
Personal Information
បង្ហាញពីព័ត៌មានដែលអ្នកបានផ្តល់ជូនហ្វេសប៊ុកនៅពេលដែលអ្នកបង្កើតគណនីហ្វេសប៊ុកដំបូង។
Logged Information
បង្ហាញពីព័ត៌មានដែលហ្វេសប៊ុកបានរក្សាទុកពីសកម្មភាពរបស់អ្នករួមមាន ប្រវត្តិនៃទីតាំងរបស់អ្នកដែលប្រើហ្វេសប៊ុក និងប្រវិត្តដែលអ្នកបានស្វែងរកផ្សេងៗនៅលើបណ្តាញសង្គមនេះ។
Ads Information
បង្ហាញពីព័ត៌មាននៃការផ្សាយពាណិជ្ជកម្មដែលអ្នកបានចូលមើល និងព័ត៌មានពីក្រុមហ៊ុនផ្សាយពាណិជ្ជកម្មមួយចំនួនដែលប្រើព័ត៌មានរបស់អ្នកដើម្បីយកទៅចែកចាយដល់អ្នកផ្សព្វផ្សាយផ្សេងទៀតនៅលើហ្វេសប៊ុក។
Apps and Websites Off of Facebook
បង្ហាញពីព័ត៌សកម្មភាពរបស់អ្នកមួយចំនួនដែលហ្វេសប៊ុកទទួលបានពីគេហទំព័រដែលអ្នកចូលមើល ឬកម្មវិធីដែលអ្នកបានប្រើជាដើម។
Security and Login Information
បង្ហាញពីព័ត៌មាននៃការចូលទៅប្រើហ្វេសប៊ុករបស់អ្នក ដូចជាព័ត៌មានពីទូរស័ព្ទ ឬកុំព្យូទ័រដែលអ្នកប្រើជាមួយហ្វេសប៊ុករបស់អ្នក ម៉ោងពេល ទីកន្លែងដែលអ្នកចូលទៅប្រើហ្វេសប៊ុក ព័ត៌មានពីការចូលប្រើ និងចាកចេញពីហ្វេសប៊ុកជាដើម។

សូមបញ្ជាក់ថាមុខងារនេះបានដាក់ឱ្យប្រើតែនៅលើកម្មវិធីទូរស័ព្ទ Android និង iOS តែប៉ុណ្ណោះ មុខងារនេះមិនទាន់មានចំពោះអ្នកប្រើប្រាស់ហ្វេសប៊ុកនៅលើកុំព្យូទ័រនៅឡើយ។

អ្នកអាចចូលទៅកាន់មុខងារនេះ តាមរយៈ Settings & Privacy > Settings > Access Your Information។

ទោះបីជាយើងមិនអាចទប់ស្កាត់ក្រុមហ៊ុនហ្វេសប៊ុកបានទាំងស្រុងពីការយកព័ត៌មាន និងទិន្នន័យរបស់យើងទៅប្រើប្រាស់ ប៉ុន្តែមុខងារនេះក៏អាចជួយអ្នកបានខ្លះ ក្នុងស្វែងយល់បន្ថែមថាតើអ្នកបានផ្តល់ព័ត៌មានផ្ទាល់ខ្លួនអ្វីខ្លះទៅឱ្យបណ្តាញសង្គមនេះ តើពួកគេរក្សាទុកព័ត៌មាន និងសកម្មភាពអ្វីខ្លះពីអ្នក និងតើហ្វេសប៊ុកបានយកព័ត៌មានរបស់អ្នកទៅប្រើប្រាស់យ៉ាងដូចម្តេច។

តាមរយៈមុខងារថ្មីនេះ ហ្វេសប៊ុកក៏ផ្តល់ជម្រើសខ្លះឱ្យអ្នកអាចគ្រប់គ្រងព័ត៌មានមួយចំនួនរបស់អ្នកផងដែរ។ អ្នកអាចសម្រេចលុបព័ត៌មានមួយចំនួនចោល ឬបិទមុខងារណាដែលមិនចាំបាច់សម្រាប់អ្នក។

សុវត្ថិភាព និងឯកជនភាពរបស់អ្នកនៅលើហ្វេសប៊ុកពិតជាមានសារៈសំខាន់ សូមការពារវាតាមលទ្ធភាពដែលអ្នកអាចធ្វើបាន។

ប្រភពៈ https://about.fb.com/news/2021/01/introducing-the-new-access-your-information/

January 20, 2021

មុខងារ Signal Group Link

January 12, 2021

អ្វីជាមុខងារសុវត្ថិភាព២ជាន ឬ2FA

January 12, 2021

ការវាយប្រហារនៅអ៊ីនធឺណិតក្នុងឆ្នាំ២០២១

ការរីករាលដាលនៃជំងឺCOVID-19បានក្លាយជាឱកាសរបស់ជនខិលខូចមួយចំនួនក្នុងការវាយប្រហារទៅលើទិន្នន័យរបស់មន្ទីរពេទ្យ។ លើសពីនេះទៀតកម្មវិធីមេរោគRansomwareត្រូវបានវាយប្រហារទៅលើវិស័យអប់រំផងដែរ។ទន្ទឹមនឹងនេះដែរការធ្វើការពីផ្ទះ ឬពីចម្ងាយបានបង្កើតជាហានិភ័យជាច្រើនលើបណ្តាញអ៊ីនធឺណិតជាពិសេសការគ្រប់គ្រងទិន្នន័យនិងឯកជនភាពនៅលើអ៊ីនធឺណិត។

ខាងក្រោមនេះគឺជាការប្រឈមទាំង៦ធំៗទៅលើសុវត្ថិភាពនៅលើអ៊ីនធឺណិត

ហានិភ័យក្នុងការធ្វើការពីផ្ទះ ឬពីចម្ងាយ
ជំងឺCOVID19បានធ្វើឱ្យស្ថាប័នជាច្រើនសម្រេចចិត្តឱ្យបុគ្គលិករបស់គេធ្វើការនៅផ្ទះដើម្បីចូលរួមក្នុងការទប់ស្កាត់នៃការរីករាលដាលនៃជំងឺនេះ។ ការធ្វើការនៅផ្ទះ ឬពីចម្ងាយតម្រូវឱ្យពួកគេមានកំណើនក្នុងការប្រើប្រាស់អ៊ីនធឺណិតដើម្បីភា្ជប់ជាមួយឧបករណ៍អេឡិចត្រូណិចរបស់ពួកគេ។ ស្ថានភាពនេះបានបង្កើតជាឱកាសដល់ជនខិលខូចនៅលើអ៊ីនធឺណិត។ នេះជាចំណោតបញ្ហាដ៏ធំមួយនៅក្នុងឆ្នាំ២០២១ ដោយសារស្ថាប័នភាគច្រើនមិនបានរៀបចំនូវគោលនយោបាយក្នុងការគ្រប់គ្រងទិន្នន័យនៅពេលបុគ្គលិករបស់គេធ្វើការពីចម្ងាយ។
អាយុជីវិត និងការវាយប្រហារនៅលើអ៊ីនធឺណិត
ការព្រួយបារម្ភមួយទៀតគឺការវាយប្រហារនៅលើអ៊ីនធឺណិតបានធ្វើឱ្យបាត់បង់ជីវិតអ្នកជំងឺម្នាក់នៅក្នុងទីក្រុងឌុសសែលដុស ប្រទេសអាឡឺម៉ង់។
វិស័យសុខាភិបាលគឺកំពុងប្រឈមមុខយ៉ាងខ្លាំងចំពោះការវាយប្រហារនៅអ៊ីនធឺណិត ដោយសារវិសាលភាពសេដ្ឋកិច្ចដ៏ធំរបស់វិស័យនេះ។ ប្រសិនករណីនេះឈានដល់ការកាត់ក្តី វានឹងក្លាយជាករណីទី១ដែលមានមនុស្សស្លាប់តាមរយៈការវាយប្រហារនេះ។
ការគំរាមថ្មីៗនៅលើអ៊ីនធឺណិត
ផលប៉ះពាល់មួយទៀតដែលពាក់ព័ន្ធជាមួយនឹងកការធ្វើការពីចម្ងាយ គឺការពឹងផ្អែកទាំងស្រុងទៅលើឧបករណ៍នានាដែលភ្ជាប់ទំនាក់ទំនងជាមួយអ៊ីនធឺណិត។ ឧបករណ៍ទាំងនេះជាចំណុចដែលផុយស្រួយរបស់អ្នកប្រើប្រាស់ដែលធ្វើឱ្យជនខិលខូចនៅលើអ៊ីនធឺណិតបង្កើនឱកាសងាយស្រួលក្នុងការវាយប្រហារ។ ស្ថាប័នគួរតែរៀបចំ និងពិនិត្យមើលឧបករណ៍ ព្រមទាំងទីតាំងសម្រាប់គ្រប់គ្រងទិន្នន័យដែលមានសុវត្ថិភាព ដើម្បីកាត់បន្ថយនូវហានិភ័យនេះ។
ការវាយប្រហារនៅលើអ៊ីនធឺណិត និងរបកគំហើញថ្មីៗ
បើទោះបីជាការវាយប្រហារនៅលើអ៊ីនធឺណិតមានការកើនឡើងក៏ដោយ ការរីកចម្រើននៃចំណេះដឹងបច្ចេកវិទ្យា និងកម្មវិធីថ្មីៗក៏បានបង្កើតឡើងដើម្បីទប់ស្កាត់នូវការវាយប្រហារទាំងនោះ។ ការយល់ដឹងពីវិធីសាស្រ្តក្នុងការការពារនិងទប់ស្កាត់ពិតជាល្អប្រសើរ ប៉ុន្តែអ្នកទាំងអស់គួរគ្នាគួរតែចេះធ្វើការតាមដាន និងស្រាវជ្រាវអំពីវិធីសាស្ត្រវាយប្រហារទាំងនោះដែរ។
ការវាយប្រហារនៅផ្នែកអាកាសចរណ៍
ប្រធានបទពាក់ព័ន្ធនឹងការវាយប្រហារ និងសុវត្ថិភាពនៅអ៊ីនធឺណិតទៅលើវិស័យអាកាសចរណ៍ ត្រូវបានយកមកពិភាក្សាក្នុងកម្មវិធីវេទិកាសេដ្ឋកិច្ចពិភពលោក។ វិសាលភាពនៅលើផ្នែកសេដ្ឋកិច្ចនៅក្នុងវិស័យនេះ បានធ្វើផ្លាស់ប្តូរវិស័យនេះ ទៅជាចំណុចដ៏ក្តៅគគុកសម្រាប់ជនខិលខូចក្នុងការវាយប្រហារ។ វិធីសាស្ត្រក្នុងការវាយប្រហារគឺភាគច្រើនតាមរយៈតំណភ្ជាប់(Phishing Links) ការលួចយកទិន្នន័យ(Data Breaches) និងមេរោគចាប់ជំរិត (Ransomware)។
Business Email Compromise នៅតែជាបញ្ហានៅលើអ៊ីនធឺណិតBusiness Email Compromise (BEC) នៅតែបន្តជាផ្នែកមួយក្នុងការវាយប្រហារដ៏សកម្មនៅលើអ៊ីនធឺណិតក្នុងឆ្នាំ២០២១។ មនុស្សភាគច្រើនត្រូវរងគ្រោះនូវការឆបោកតាមរយៈរូបភាពមួយនេះ ដោយសារការងារ និងប្រតិបត្តិការជាច្រើនធ្វើតាមរយៈអ៊ីមែល។ BEC គឺជាការផ្ញើសារតាមរយៈអ៊ីមែលដោយក្លែងបន្លំទៅកាន់អ្នក ដោយធ្វើលេសជាក្រុមហ៊ុនដៃគូររបស់អ្នករួចបញ្ឆោតអ្នកឱ្យផ្ទេរជាសាច់ប្រាក់ចូលគណនីរបស់ពួកគេ។ ភាគច្រើនក្រុមហ៊ុនឯកជនជួបប្រទះនូវបញ្ហាមួយនេះ។

ប្រភព៖ https://techhq.com/2021/01/were-capitol-rioters-a-national-cybersecurity-threat/

January 12, 2021

មុខងារថ្មីរបស់ Signal – Encrypted Group Calls

តាមរយៈគេហទំព័ររបស់ខ្លួន Signal បានបញ្ជាក់ថា មុខងារនេះគឺ អាចប្រើបានដោយសេរី សម្ងាត់ និងមានសុវត្ថិភាពខ្ពស់ជាមួយនឹងមុខងារកូដនីយកម្ម (end-to-end encrypted) ដែលដូចនឹងមុខងារផ្សេងៗទៀតដែលមាននៅលើ Signal។

ដើម្បីអាចខលជាក្រុមបាន អ្នកត្រូវចូលទៅកាន់ក្រុមណាមួយដែលមាននៅលើ Signal ជាមុនសិន បន្ទាប់មកអ្នកនឹងឃើញនិមិត្តសញ្ញា វីឌីអូខល នៅផ្នែកខាងលើនៃក្រុមនោះ។

នៅពេលដែលអ្នកចាប់ផ្តើមខល សមាជិកដែលមាននៅក្នុងក្រុម នឹងទទួលបានសារជូនដំណឹង (notification) ដើម្បីឱ្យសមាជិកទាំងអស់នៅក្នុងក្រុមដឹងថា អ្នកបានខលទៅកាន់ក្រុមទាំងមូល។

ពេលដែលអ្នកចាប់ផ្តើមខល Signal និងបង្ហាញសមាជិកដែលចូលរួមទាំងអស់ជាទម្រង់ក្រឡាចត្រង្គនៅលើអេក្រង់ អ្នកអាចអូសទៅឡើងលើដើម្បីបង្ហាញអ្នកដែលកំពុងនិយាយ។

ទោះបីជាយ៉ាងណាក៏ដោយ Signal បានបញ្ជាក់ថា ការហៅជាក្រុមនេះ ត្រូវបានកំណត់ចំនួនអ្នកចូលរួមចំនួន ៥ នាក់ប៉ុណ្ណោះ។ ក្រុមការងាររបស់ Signal កំពុងតែបន្តធ្វើការលើមុខងារនេះ ដើម្បីអនុញ្ញាតឱ្យ អាចទទួលអ្នកចូលរួមកាន់តែច្រើនបន្ថែមទៀត។

លក្ខខណ្ឌតម្រូវ៖

សមាជិកនៃក្រុមម្នាក់ៗ ត្រូវប្រើ Signal ជំនាន់ជំនាន់ចុងក្រោយគេបង្អស់នៅលើឧបករណ៍របស់ខ្លួន៖
- ទូរស័ព្ទ Android ចាប់ពីជំនាន់ v5.0.3 ឡើងទៅ
- ទូរស័ព្ទ iOS ចាប់ពីជំនាន់ v5.0.០ ឡើងទៅ
- កុំព្យូទ័រ ចាប់ពីជំនាន់ v1.39.2 ឡើងទៅ
- សមាជិកម្នាក់ៗត្រូវតែស្ថិតនៅក្នុងក្រុមថ្មី (Signal New Group) ដូចគ្នា
  Signal បែងចែកក្រុម (Group) ជាពីរធំៗគឺ New Group និង Legacy Group
- សមាជិកនៃក្រុមត្រូវបានកំណត់ចំនួនតែ៥នាក់ប៉ុណ្ណោះ

របៀបប្រើ Encrypted Group Call

ចូលទៅកាន់ Group
ចុចលើ និមិត្តសញ្ញា វីឌីអូខល

ចុចលើពាក្យ Start Call ឬ Join Call
សារជូនដំណឹងនឹងផ្ញើទៅកាន់សមាជិកនៃក្រុម។ សារជូនដំណឹងនោះនឹងបង្ហាញនៅក្នុង group chat history។

សូមធ្វើបច្ចុប្បន្នភាពកម្មវិធី Signal ដើម្បីទទួលបានមុខងារថ្មីនេះ។

ប្រភព៖

ស្វែងយល់បន្ថែមពីកម្មវិធី Sigal៖ https://digitalhub101.com/signal/

December 18, 2020

ចំនុចខ្សោយនៅក្នុងកម្មវិធីផ្ញើសារហ្វេសប៊ុក (Facebook Messenger)អនុញ្ញាតឲ្យពួកHackerស្តាប់កិច្ចសន្ទនារបស់អ្នកមុនពេលអ្នកទទួលការហៅចូល

កំហុសបច្ចេកទេសនេះត្រូវបានរកឃើញនិងរាយការណ៍ដោយ Natalie Silvanovich របស់ក្រុមហ៊ុន Google នៃគម្រោង Zerobughunting។

អ្នកបច្ចេកទេសផ្នែកសុវត្ថិភាពរបស់ហ្វេសប៊ុក លោក Dan Gurfinkel បានមានប្រសាសន៍ថា ខណៈពេលទូរស័ព្ទរបស់អ្នករោទិ៍ភ្លាម នោះអ្នកតេមកអ្នកនឹងទទួលបានសម្លេងនៅពេលអ្នកលើកទូរស័ព្ទ និងក្រោយពេលដែលអ្នកបានបិទទូរស័ព្ទ។

ករណីស្រដៀងគ្នានេះដែរ បានកើតឡើងចំពោះកម្មវិធី FaceTime Group Chats របស់ក្រុមហ៊ុន Apple កាលពីឆ្នាំមុន។ ពេលនោះ កំហុសមួយនេះវាមានលទ្ធភាពក្នុងការតេតាមរយៈ FaceTime និងលួចស្តាប់កិច្ចសន្ទនាជនគោលដៅរបស់ Hacker។ នេះមិនមែនជាលើកទីមួយទេដែល Silvanovich រកឃើញកំហុសបច្ចេកទេសលើកម្មវិធីទាំងនេះ។ ពីមុនគាត់ក៏ធ្លាប់បានឃើញកំហុសបច្ចេកទេសនៅលើកម្មវីធីដូចជាWhatsApp iMessage WeChat Signal និងReliance JoiChat ផងដែរ។

ប្រភព: https://thehackernews.com/2020/11/facebook-messenger-bug-lets-hackers.html

December 8, 2020

មុខងារថ្មីរបស់ WhatsApp – លុបសារដោយស្វ័យប្រវត្តិ

នៅពេលអ្នកធ្វើបច្ចុប្បន្នភាពកម្មវិធី WhatsApp អ្នកនឹងទទួលបានការកំណត់ក្នុងការលុបចោលនូវព័ត៌មានឌីជីថលទាំងនេះ។ ព័ត៌មានឌីជីថលទាំងនោះមានដូចជា កិច្ចសន្ទនាជាអក្សរ រូបភាព សំឡេង និងវីឌីអូជាដើម។ អ្នកក៏អាចកំណត់ Disappearing Messages រវាងកិច្ចសន្ទនាមួយទល់នឹងមួយ ឬកិច្ចសន្ទនាជាក្រុមផងដែរ។ការលុបចោលព័ត៌មានឌីជីថលទាំងនេះនឹងប្រព្រឹត្តទៅ ៧ថ្ងៃក្រោយអ្នកបានផ្ញើសារទាំងនោះ។

ការកំណត់នេះមានភាពខុសគ្នាពី កម្មវិធី Signal បន្តិចត្រង់ថា កម្មវិធី Signal ផ្តល់លទ្ធភាពដល់អ្នកប្រើប្រាស់ក្នុងការកំណត់ពេលវេលា(ផ្តល់ច្រើនជម្រើស) ក្នុងការលុបព័ត៌មានឌីជីថលទាំងនោះ ស្របពេលការលុបព័ត៌មានឌីជីថល ក្នុងកម្មវិធី WhatsApp ត្រូវបានកំណត់ដោយក្រុមហ៊ុនផ្ទាល់គឺ ៧ថ្ងៃក្រោយការផ្ញើសារ។

អ្នកអាចបើកការកំណត់ការលុបកិច្ចសន្ទនា (Disappearing Messages) នៅក្នុង WhatsApp បាន ដោយគ្រាន់តែអ្នកចុចនៅលើ Chat Name នៅខាងលើនៃអេក្រង់ រួចអូសចុះក្រោម អ្នកនឹងឃើញពាក្យ “disappearing message” រួចបន្ទាប់មក turn it on។ ការធ្វើដូចនេះវាមិនបានលុបចោលនូវកិច្ចសន្ទនាចាស់ៗរបស់អ្នកឡើយ។ ដូចគ្នានឹងជម្រើសក្នុងការលុបកិច្ចសន្ទនា (Disappearing Messages) នៃកម្មវិធីផ្សេងទៀតក៏ដោយ អ្នកប្រើប្រាស់ត្រូវទុកចិត្តដៃគូកិច្ចសន្ទនារបស់អ្នក។ ព្រោះថាគ្មានអ្វីដែលរារាំងភាគីម្ខាងទៀតក្នុងការ Screenshot ឬ Forward សារនោះទៅអ្នកដទៃបានឡើយ។

ប្រភពៈ

https://www.theguardian.com/technology/2020/nov/05/whatsapp-now-lets-users-send-disappearing-messages-facebook

November 23, 2020

KeePassXC

ធ្វើបច្ចុប្បន្នភាពចុងក្រោយៈ 20/04/2022

ការរីកចម្រើននៃបច្ចេកវិទ្យា និងអ៊ីនធឺណិតបានផ្តល់នូវគុណសម្បត្តិជាច្រើន តែទន្ទឹមនឹងនេះវាក៏មានបញ្ហាប្រឈមជាច្រើនដែរ។ នៅពេលដែលគណនីមួយត្រូវបានលួចយកទៅប្រើប្រាស់ដោយអ្នកដទៃ នោះគណនីផ្សេងទៀតរបស់អ្នក និងមិត្តភក្តិអ្នកក៏ប្រឈមនឹងហានិភ័យដែរ។

វីធីល្អបំផុតគឺការការពារ។ មានវិធីជាច្រើនដើម្បីការពារឧបករណ៍ និងគណនីរបស់អ្នក ដូចជាការធ្វើបច្ចុប្បន្នភាពប្រព័ន្ធប្រតិបត្តិការ ធ្វើបច្ចុប្បន្នភាពគ្រប់កម្មវិធីនៅក្នុងកុំព្យូទ័រ និងទូរស័ព្ទដៃរបស់អ្នក ត្រូវប្រាកដថាកុំព្យូទ័រអ្នកមានកម្មវិធីកម្ចាត់មេរោគ កុំចុចលើតំណភ្ជាប់ ឬទាញយកកម្មវិធីដែលអ្នកមិនស្គាល់ពីប្រភពច្បាស់លាស់ជាដើម។ល។ ប៉ុន្តែចំណុចមួយដែលសំខាន់ និងតែងតែត្រូវបានណែនាំឱ្យអនុវត្តនោះគឺ ប្រើពាក្យសម្ងាត់ដែលរឹងមាំនៅលើឧបករណ៍ និងគណនីនៅលើអ៊ីនធឺណិតរបស់អ្នក។

ពាក្យសម្ងាត់រឹងមាំ ជាពាក្យសម្ងាត់ដែលផ្សំឡើងដោយលាយបញ្ចូលគ្នារវាងលេខ អក្សរតូច ធំ និមិត្តសញ្ញា និងមានច្រើនតួរអក្សរ ដែលយ៉ាងហោចណាស់ចាប់ពី១២តួរអក្សរឡើងទៅ ហើយពាក្យសម្ងាត់នោះគួរតែខុសគ្នាសម្រាប់គណនីផ្សេងគ្នា មានន័យថា គណនីមួយ ពាក្យសម្ងាត់មួយ។

បញ្ហាមួយដែលតែងតែជួបប្រទះគឺ គ្រប់គ្នាពិបាកក្នុងការរកវិធីបង្កើតពាក្យសម្ងាត់ដែលរឹងមាំ ខុសៗគ្នា ហើយអាចចងចាំបាន។

កម្មវិធីគ្រប់គ្រងពាក្យសម្ងាត់ (Password Manager) ត្រូវបានបង្កើតឡើង និងណែនាំឱ្យប្រើប្រាស់ដើម្បីដោះស្រាយបញ្ហានេះ។

សព្វថ្ងៃមានកម្មវិធីគ្រប់គ្រងពាក្យសម្ងាត់ជាច្រើនមានដូចជា 1Password, Bitwarden, Last Pass និងKeePassXC ជាដើម ដែលកម្មវិធីខ្លះជាកម្មវិធីបើកចំហកូដ ខ្លះអាចប្រើដោយមិនគិតថ្លៃ និងកម្មវិធីខ្លះតម្រូវឱ្យអ្នកបង់លុយដើម្បីអាចប្រើវាបាន។

អំពី KeePassXC

KeePassXC ជាកម្មវិធីគ្រប់គ្រងពាក្យសម្ងាត់ដែលមានសុវត្ថិភាពសម្រាប់អ្នកប្រើកុំព្យូទ័រលើគ្រប់ប្រព័ន្ធប្រតិបត្តិការ ទាំង Windows, iOS និង Linux។ ចំពោះអ្នកប្រើទូរសព្ទអែនដ្រយ (Android) យើងសូមណែនាំកម្មវិធី KeePassDX ហើយចំពោះអ្នកប្រើទូរសព្ទដែលរបស់អេផល (Apple) ឬប្រព័ន្ធប្រតិបត្តិការ iOS អាចប្រើកម្មវិធី Strongbox។

KeePassXC ជាកម្មវិធីដែលអនុញ្ញាតឱ្យអ្នករក្សាទុកពាក្យសម្ងាត់ទាំងអស់របស់អ្នកនៅក្នុងទីតាំងមួយរួមគ្នា។ នៅពេលដែលអ្នកប្រើកម្មវិធីនេះ អ្នកអាចប្រើពាក្យសម្ងាត់រឹងមាំខុសៗគ្នា សម្រាប់គណនីផ្សេងៗគ្នា ហើយមិនចាំបាច់ត្រូវចងចាំពាក្យសម្ងាត់ទាំងនោះទេ។ អ្នកគ្រាន់តែចាំពាក្យសម្ងាត់តែមួយគត់ដែលប្រើសម្រាប់បើកចូលទៅមើលទិន្នន័យគណនីផ្សេងៗដែលអ្នកបានរក្សាទុកនៅក្នុងកម្មវិធីនេះតែប៉ុណ្ណោះ ដែលពាក្យសម្ងាត់នោះត្រូវបានគេហៅថា Master Password។

មានកម្មវិធីមួយចំនួនដែលមានឈ្មោះប្រហាក់ប្រហែលនឹង KeePassXC ដែរដូចជា KeePassX, KeePass និង KeePass2 ជាដើម។ យើងណែនាំ KeePassXC នេះព្រោះវាជាកម្មវិធីដែលបានធ្វើបច្ចុប្បន្នភាពញឹកញាប់ជាងគេ ក្នុងចំណោមកម្មវិធីដែលមានឈ្មោះស្រដៀងគ្នាទាំងនោះ។

ហេតុអ្វីអ្នកគួរប្រើ KeePassXC?

ជាកម្មវិធីបើកចំហកូដ (Open Source Software): កូដទាំងអស់នៃកម្មវិធីនេះ ត្រូវបានបង្ហាញជាសាធារណៈក្រោមលក្ខខណ្ឌអាជ្ញាប័ណ្ណរបស់ GNU (General Public License) ហើយក៏មាននៅលើ GitHub ផងដែរ។ នេះមានន័យថា អ្នកគ្រប់គ្នាអាចប្រើ អាចត្រួតពិនិត្យ អាចធ្វើការកែប្រែ អាចធ្វើការចែករំលែកកូដបន្តទាំងនោះបានដោយសេរី។

មានកូដនីយកម្ម ឬ Encrypted: ពាក្យសម្ងាត់ និងព័ត៌មានផ្សេងៗទៀតដែលបានរក្សាទុកនៅក្នុងដាតាបេស (Database) នៃកម្មវិធីនេះត្រូវបានធ្វើកូដនីយកម្ម ស្របតាមស្តង់ដារសុវត្ថិភាពខ្ពស់នៃកូដនីយកម្ម (265-bit AES)។

មិនប្រមូលទិន្នន័យរបស់អ្នកប្រើប្រាស់ (Data Collection): គ្រប់គ្នាអាចទាញយក និងប្រើកម្មវិធីនេះបានដោយសេរី ដោយមិនតម្រូវឱ្យមានការចុះឈ្មោះ ឬផ្តល់ព័ត៌មានអ្វីផ្សេងទៅកាន់កម្មវិធីនោះទេ។ គ្រប់ព័ត៌មានអំពីលេខកូដសម្ងាត់ ព័ត៌មានគណនីលើអ៊ីនធឺណិត ព័ត៌មាន និងទិន្នន័យផ្សេងៗទៀតដែលអ្នកបានកត់ត្រាជាមួយកម្មវិធីនេះ គឺត្រូវបានរក្សាទុកនៅក្នុងឧបករណ៍ផ្ទុក ឬទុកនៅលើសេវាកម្មអនឡាញណាមួយដោយអ្នកប្រើប្រាស់ផ្ទាល់។ កម្មវិធីនេះជាកម្មវិធីដែលអាចប្រើបានដោយមិនត្រូវការភ្ជាប់ទៅកាន់អ៊ីនធឺណិតទេ។

ធ្វើបច្ចុប្បន្នភាពញឹកញាប់ៈ ការធ្វើបច្ចុប្បន្នភាពកម្មវិធី ជាផ្នែកមួយដ៏សំខាន់នៃកម្មវិធី ដើម្បីជួសជុលចន្លោះប្រហោង ឬចំណុចខ្សោយ និងបន្ថែមមុខងារសុវត្ថិភាពថ្មីៗផ្សេងទៀត។ KeePassXC ចាប់ផ្តើមបង្កើតឡើងក្នុងឆ្នាំ២០១២ មកដល់បច្ចុប្បន្ន កម្មវិធីនេះបានចេញផ្សាយជំនាន់របស់ខ្លួនជាច្រើនរួចមកហើយ។ ជំនាន់ចុងក្រោយរបស់ KeePassXC នៅពេលនេះគឺជំនាន់ទី២.៧.១ (KeePassXC 2.7.1) ដែលដាក់ឱ្យប្រើនៅថ្ងៃទី06 ខែមេសា ឆ្នាំ២០២២។ អ្នកទាំងអស់គ្នាអាចធ្វើការតាមដានការចេញផ្សេងនូវជំនាន់ថ្មីៗរបស់កម្មវិធីនៅលើគេហទំព័ររបស់ពួកគេ ឬអាចមើលនៅលើ GitHub បាន។

តើ KeePassXC ដំណើរការយ៉ាងដូចម្តេច?

នៅពេលដែលអ្នកតម្លើងកម្មវិធី KeePassXC រួច អ្នកត្រូវបង្កើតDatabase ថ្មីមួយ ដែល Database នោះប្រើសម្រាប់រក្សាទុកពាក្យសម្ងាត់ទាំងអស់របស់អ្នក។ នៅពេលដែលអ្នកបង្កើត Database ថ្មីនេះ កម្មវិធីនឹងតម្រូវឱ្យអ្នក ដាក់ពាក្យសម្ងាត់ដើម្បីការពារ។

ឧបមាថា ពាក្យសម្ងាត់ប្រៀបបាននឹងទ្រព្យសម្បត្តិដ៏មានតម្លៃដូចជាមាស ប្រាក់របស់អ្នកជាដើម ចំណែកឯ Database ប្រៀបបាននឹងទូរដែកដ៏មានសុវត្ថិភាពបំផុតមួយ ដែលគ្មានចោរណាអាចគាស់ ឬបំបែកបានឡើយ។ រីឯពាក្យសម្ងាត់ដើម្បីការពារ Database នោះ ប្រៀបបាននឹងកូនសោ របស់ទូរដែកនោះអីចឹង។

គ្រប់ពាក្យសម្ងាត់ ឬទិន្នន័យដែលអ្នកបានរក្សាទុកនៅក្នុង Database នោះគឺ មានសុវត្ថិភាព ទោះបីជាអ្នករក្សាទុក Database នោះនៅក្នុងកុំព្យូទ័រ ក្នុងឧបករណ៍ផ្ទុកទិន្នន័យផ្សេងៗដូចជា External Hard Drive ឬ USB Flash Drive ឬនៅលើអ៊ីនធឺណិតក៏ដោយ ព្រោះវាត្រូវបានចាក់សោ (Encrypt)។

ប្រសិនបើកុំព្យូទ័រ ឬឧបករណ៍ផ្ទុកទិន្នន័យរបស់អ្នកត្រូវបានគេលួច ឬបាត់បង់ដោយប្រការណាមួយក៏ដោយ ក៏គេមិនអាចបើកមើលពាក្យសម្ងាត់ ដែលអ្នកបានរក្សាទុកក្នុង Database នោះបានដែរ មានតែអ្នកទេ ដែលមានពាក្យសម្ងាត់សម្រាប់បើកចូលទៅក្នុង Database នោះ។ នេះឧទាហរណ៍ថា មានចោរចូលទៅក្នុងផ្ទះរបស់អ្នក ហើយលួចបានទូរដែករបស់អ្នក ប៉ុន្តែដោយសារទូរដែកនោះមានសុវត្ថិភាព ចោរមិនមានលទ្ធភាពណាអាចបើក ឬបំបែកទូរដែកនោះបានទេ បើពួកគេគ្មានកូនសោសម្រាប់បើកទូរដែកនោះ។ ដូចនេះ ពួកគេក៏មិនអាចយកបានទ្រព្យសម្បត្តិដែលមាននៅក្នុងទូរដែកនោះបានដែរ។ មានតែអ្នកម្នាក់គត់ ដែលមានកូនសោសម្រាប់ចាក់បើកទូរដែកនោះ។

ទាញយកកម្មវិធី

https://keepassxc.org/download

របៀបតម្លើង និងប្រើកម្មវិធី

វីឌីអូខាងក្រោមនេះ បង្ហាញពីរបៀបក្នុងការតម្លើង ប្រើកម្មវិធី KeePassXC ជំនាន់ 2.6.2 នៅលើប្រព័ន្ធប្រតិបត្តិការ Windows 10។

មុខងារសំខាន់ៗមួយចំនួនដែលអ្នកគួរដឹង

១- មុខងារជួយបង្កើតពាក្យសម្ងាត់រឹងមាំ / Password Generator

ការបង្កើតពាក្យសម្ងាត់មួយដ៏រឹងមាំនៅតែជាបញ្ហាចោទ ព្រោះវាមានភាពស្មុគស្មាញ ដោយតម្រូវឱ្យមានការលាយបញ្ចូលគ្នា ទាំងលេខ អក្សរតូច ធំ និមិត្តសញ្ញាផ្សេងៗ ហើយពិសេសត្រូវមានចំនួនតួអក្សរច្រើន ដែលយ៉ាងហោចណាស់ឱ្យបាន១២ តួអក្សរដែរ។

KeePassXC បានបង្កើតមុខងារ Password Generator នេះដើម្បីជួយអ្នកប្រើប្រាស់ប្រាស់ អាចបង្កើតពាក្យសម្ងាត់រឹងមាំ តាមដែលអ្នក ចង់បាន ដោយមិនចាំបាច់ចំណាយពេលក្នុងការគិតច្រើន។ Password Generator នេះផ្តល់ជម្រើសឱ្យអាចប្រើប្រាស់បង្កើតបានទាំងពាក្យសម្ងាត់ (Password) និងឃ្លាសម្ងាត់ (Passphrase)។

ដើម្បីប្រើមុខងារនេះ សូមមើលតាមការណែនាំខាងក្រោម៖

បើកម្មវិធី KeePassXC
ចូលទៅកាន់ Tool > Password Generator នោះអ្នកនឹងឃើញរូបបង្ហាញដូចខាងក្រោម៖

1- Length / ចំនួនតួអក្សរៈ ត្រង់នេះអាចឱ្យអ្នកកំណត់ចំនួនតួអក្សរដោយវាយបញ្ចូលក្នុងប្រអប់ ឬអូសលើរបា ដូចក្នុងរូប
2- Character Types: ត្រង់នេះ អាចឱ្យអ្នកអាចលាយបញ្ចូលគ្នារវាងអក្សរតូច ធំ លេខ និងមិត្តសញ្ញាផ្សេងៗ។ អ្នកអាចចុចលើ ប៊ូតុង Advance ប្រសិនបើអ្នកចង់បន្ថែមនិមិត្តសញ្ញាដទៃទៀត ។
3- Regenerate Password: ចុចលើមិត្តសញ្ញាព្រួញនេះ ដើម្បីទទួលបាន ពាក្យសម្ងាត់ថ្មី
4- Copy password: ចុចលើនិមិត្តសញ្ញានេះ ឬ Ctrl + C ដើម្បីថតចម្លងពាក្យសម្ងាត់របស់អ្នក
5- Password Quality: ជាកន្លែងដែលអ្នកអាចមើលថា តើពាក្យសម្ងាត់របស់អ្នកខ្លាំងកម្រិតណា

អនុវត្តស្រដៀងគ្នា ចំពោះការបង្កើតឃ្លាសម្ងាត់ ឬ Passphrase។

ប្រភពៈ
- https://keepassxc.org/
– https://github.com/keepassxreboot/keepassxc
– https://ssd.eff.org/en/module/how-use-keepassxc
– https://securityinabox.org/en/guide/keepassxc/windows/
– https://www.accessnow.org/cms/assets/uploads/archive/docs/securitydoc_20100612.pdf

November 18, 2020

គន្លឹះការពារការបោកបញ្ឆោតលើអ៊ីនធឺណិត

ទាញយកៈ JPG | PDF

October 9, 2020

មុខងារថ្មីរបស់កម្មវិធី Signal – Message Request

នៅពេលអ្នកទទួលសារថ្មីពីនរណាម្នាក់វានឹងបង្ហាញឲ្យអ្នកឃើញProfile របស់បុគ្គលម្នាក់នោះ។ Profile ដែលអ្នកដាក់នៅលើSignal ត្រូវបានអ៊ីនគ្រីបឬធ្វើកូដនីយកម្ម (end-to-end encrypted) ហើយព័ត៌មានទាំងនោះត្រួវបានចែករំលែកតាម Signal Protocol Messaging ដែលអាចការពាររាល់កិច្ចសន្ទនារបស់អ្នក។

ពីមុននៅពេលអ្នកជជែកគ្នាជាក្រុមនៅ Signal អ្នកនឹងឃើញលេខទូរស័ព្ទរបស់បុគ្គលនៅក្រុមនោះជាProfile។ ប៉ុន្តែបច្ចុប្បន្ននេះសម្រាប់ក្រុមដែលទើបនឹងបង្កើតថ្មីនៅក្នុង Signal អ្នកនឹងឃើញ Profile ជាឈ្មោះដែលវាអាចភ្ជាប់ជាមួយរូបភាពនិងប្រវត្តិរូបមួយចំនួនទៀតរបស់បុគ្គលដែលអ្នកកំពុងជជែកនៅក្នុងក្រុមនោះ។

ចំពោះកិច្ចសន្ទនាមួយនឹងមួយនៅលើ Signal បច្ចុប្បន្ននេះបានវាដាក់សញ្ញាឲ្យដឹងថា បុគ្គលដែលយើងកំពុងនិយាយជាមួយមាននៅក្នុង System Contact របស់យើងឬក៏អត់។លើសពីនេះទៅទៀត នៅពេលដែលបុគ្គលដែលអ្នកជជែកជាមួយប្តូរព័ត៌មាន ក្នុង Profile របស់គេ Signal និងUpdate ឲ្យអ្នកដឹងផងដែរ។

រូបភាព៖ Signal.org

Message requests ក៏បានធ្វើឲ្យកាន់តែប្រសើរចំពោះការហៅចេញជាសម្លេងនិងវិឌីអូផងដែរ ព្រោះថា ទោះបីគេនៅក្នុង System Contact

ក៏ដោយទូរស័ព្ទរបស់អ្នកនឹងមិនរោទ៍នោះទេ លុះត្រាអ្នកចុចទទួលនូវ Message requestsរបស់គេជាមុនសិន។

September 11, 2020

HTTPS Everywhere

ធ្វើបច្ចុប្បន្នភាពចុងក្រោយនៅថ្ងៃទី ៣១ ខែសីហា ឆ្នាំ២០២០

HTTPs Everywhere គឹជា Browser Extension ដែលជួយធ្វើឱ្យការប្រើប្រាស់អ៊ីនធឺណិតរបស់អ្នកមានសុវត្ថិភាពជាងមុន។ កម្មវិធីនេះនឹងធ្វើការអ៊ីនគ្រីប (Encrypt) ឬបំលែង រាល់សកម្មភាពនៃការរុករករបស់អ្នក នៅលើគេហទំព័រជាច្រើន ដោយវានឹងផ្លាស់ប្តូរគេហទំព័រមួយចំនួនដែលអ្នកចូលមើល ពីគេហទំព័រដែលមិនមានសុវត្ថិភាព (http) ទៅជាគេហទំព័រដែលមានសុវត្ថិភាព (https)។

តើ HTPS Everywhere អាចប្រើបាននៅលើកម្មវិធីរុករក ឬ Browser ណាខ្លះ?
HTTPs Everywhere អាចតម្លើងចូលទៅក្នុង Browser មួយចំនួនដូចជា Firefox, Google Chrome, Opera, Brave និង Tor ជាដើម។ សម្រាប់ទូរស័ព្ទដៃដែលប្រើប្រព័ន្ធប្រតិបត្តិការ Android ក៏អាចដំឡើងកម្មវិធីនេះចូលទៅក្នុង Firefox (Firefox for Android) បានផងដែរ។

តើ HTTPS Everywhere ធ្វើការយ៉ាងដូចម្តេច?
គេហទំព័រជាច្រើននៅលើអ៊ីនធឺណិតមានមុខងារសុវត្ថិភាព (HTTPs) នេះមកជាមួយហើយ ប៉ុន្តែបញ្ហានៅត្រង់ថា មុខងារនេះមិនបានបើកឱ្យដំណើរការដោយស្វ័យប្រវត្តិនោះទេ។ ផ្ទុយទៅវិញ គេទំព័រទាំងនោះបែរជាប្រើមុខងារដែលមិនមានសុវត្ថិភាព (Unencrypted HTTP) ដោយស្វ័យប្រវត្តិទៅវិញ ឬក៏ប្រើមុខងារ HTTPs តែនៅលើ ទំព័រសំខាន់ៗមួយចំនួនដូចជា ទំព័រដែលតម្រូវឱ្យបំពេញពាក្យសម្ងាត់ (Login page) តែប៉ុណ្ណោះ។

ដោយសារបញ្ហានេះហើយ ទើប HTTPs Everywhere ត្រូវបានបង្កើតឡើង។ នៅពេលដែលអ្នកតម្លើងកម្មវិធីនេះចូលទៅក្នុងកម្មវិធីរុករក (Browser) វានឹងធ្វើការស្នើ (rewrite request) ទៅកាន់គេហទំព័រដែលមាន HTTPs ស្រាប់ហើយ តែមិនបើកឱ្យដំណើរការទាំងនោះ ឱ្យបើកដំណើរការមុខងារសុវត្ថិភាព (HTTPs) នេះឡើងវិញ។

តើ HTTPs Everywhere អាចការពារអ្នកបាននៅពេលណា?
HTTPs Everywhere អាចការពារអ្នកបាន តែនៅលើគេហទំព័រណាដែលមាន HTTPs ស្រាប់តែប៉ុណ្ណោះ។ នៅលើគេហទំព័រដែលមានមុខងារ HTTPs ស្រាប់ តែមិនដំណើរការ នោះ HTTPs Everywhere ទៅបើកមុខងារនោះឱ្យដំណើរការឡើងវិញ។ មិនមែនគ្រប់គេហទំព័រមាន HTTPs ស្រាប់នោះទេ មានគេហទំព័រមួយចំនួនមិនមានមុខងារនេះតែម្តង។ ប្រសិនបើគេហទំព័ររបស់អ្នក ប្រើតែមុខងារ HTTP ហើយមិនមានមុខងារ HTTPs នោះអ្នកអាចពិភាក្សាជាមួយអ្នកគ្រប់គ្រងគេហទំព័រ ដើម្បីអោយគាត់ទាក់ទងទៅក្រុមហ៊ុនដែលលក់ domain (ឈ្មោះគេហទំព័រ) ដើម្បីស្នើសុំទិញមុខងារនេះដាក់លើគេហទំព័ររបស់អ្នក។

តើគេហទំព័រដែលមិនមាន HTTPs មានន័យថា មិនមានសុវត្ថិភាពមែនទេ?

ទេ មានគេហទំព័រជាច្រើន ជាពិសេសគេហទំព័រដែលបង្កើតកាលពីមុន មិនមាន HTTPsទេ។ ប្រសិនបើអ្នកគិតថា អ្នកគ្រាន់តែចូលមើលព័ត៌មាននៅគេហទំព័រសារព័ត៌មាន ឬមើលព័ត៌មានលើគេទំព័រណាមួយ ដោយមិនបានបញ្ចូល ឬបំពេញព័ត៌មានសំខាន់ៗនោះទេ វាហាក់ដូចជាមិនមានហានិភ័យខ្លាំងពេកនោះទេ។ ប៉ុន្តែរឿងដែលគួរឱ្យបារម្ភបំផុតគឺ ប្រសិនបើអ្នកប្រើគេហទំព័រដែលមានតែ HTTP ហើយតម្រូវឱ្យអ្នកបំពេញព័ត៌មានសំខាន់ៗដូចជា អ៊ីមែល ពាក្យសម្ងាត់ ឬអ្នកធ្វើការបញ្ជាទិញអីវ៉ាន់ដោយទូទាត់សាច់ប្រាក់តាមអ៊ីនធឺណិតជាមួយ Visa Card, Credit Card ឬ Master Card ជាដើម ឬតម្រូវឱ្យអ្នកបំពេញព័ត៌មានផ្សេងៗទៀត នោះអ្នកផ្សេងដូចជា អ្នកគ្រប់គ្រងអ៊ីនធឺណិត ឬអ្នកគ្រប់គ្រង Wifi, ក្រុមហ៊ុនអ៊ីនធឺណិត (ISP) ចោរនៅលើអ៊ីនធឺណិត (Hacker) ជាដើម អាចឃើញ ឬយកព័ត៌មានទាំងនោះបាន។

រូបភាពៈ https://www.eff.org/https-everywhere

លើសពីនេះទៅទៀត ពួកគេទាំងនោះ ដឹងនូវព័ត៌មានមួយចំនួនទៀតដូចជា ទីតាំងដែលអ្នកកំពុងប្រើអ៊ីនធឺណិត គ្រប់ទំព័រដែលអ្នកចូលមើល ប្រវត្តិនៃការស្រាវជ្រាវ ឬស្វែងរកផ្សេងៗនៅលើគេហទំព័រនោះ ជាដើម។ គ្រប់សកម្មភាពដែលអ្នកចុច និងការបញ្ចូលព័ត៌មានផ្សេងៗ នៅលើគេហទំព័រដែលប្រើ HTTP មិនត្រូវបាន Encrypt ឬមិនត្រូវបានការពារនោះទេ។

របៀបដំឡើង HTTPS Everywhere លើ Firefox និង Google Chrome

August 30, 2020

Privacy Badger

ធ្វើបច្ចុប្បន្នភាពចុងក្រោយ៖ 10-08-2020

តើអ្នកដឹងទេថា ក្រុមហ៊ុនមួយចំនួនបាន និងកំពុងលួចតាមដានអ្នកដោយស្ងៀមស្ងាត់បំផុតនៅពេលដែលអ្នកប្រើអ៊ីនធឺណិត។ ពួកគេធ្វើការកត់ត្រា (record) រាល់គេហទំព័រដែលអ្នកចូលមើលពួកគេដឹងថាតើអ្នកចំណាយពេលប៉ុន្មានក្នុងការមើលទំព័រណាមួយ ហើយអ្នកធ្វើអ្វីខ្លះនៅលើទំព័រនោះបើទោះបីជាអ្នកបានបើកមុខងារបញ្ឈប់ការតាមដាន (Do Not Track) នៅលើ Browser ដែលអ្នកកំពុងប្រើក៏ដោយ។

តើ Privacy Badger ជាអ្វី?

Privacy Badger ជាកម្មវិធីបើកចំហរ (free and open-source browser extension ) ដែលអាចប្រើបានជាមួយនឹងកម្មវិធីរុករក (Browser)មួយចំនួនដូចជា Google Chrome, Mozilla Firefox, Opera និង Firefox for Android។ កម្មវិធីនេះបង្កើតឡើងដោយ Electronic Frontier Foundation(EEF) ក្នុងគោលបំណងជួយការពារឯកជនភាពនិងធ្វើឱ្យមានសុវត្ថិភាពក្នុងការប្រើប្រាស់អ៊ីនធឺណិត។

Privacy Badger មានតួនាទីក្នុងការបញ្ឈប់រាល់ការលួចតាមដានណាដែលមិនមានការអនុញ្ញាតពីអ្នកប្រើប្រាស់អ៊ីនធឺណិត។

តើ Privacy Badger ខុសពីកម្មវិធីផ្សេងយ៉ាងដូចម្តេច?

Privacy Badger ខុសពីកម្មវិធីផ្សេងត្រង់ថាកម្មវិធីនេះ នឹងធ្វើការវិភាគគ្រប់សកម្មភាពដែលព្យាយាមតាមដានអ្នកនៅពេលដែលអ្នកប្រើអ៊ីនធឺណិតហើយនៅពេលដែលស្វែងរកឃើញថាពិតជាមានការតាមដានអ្នកមែន នោះវានិងធ្វើការបិទ (block) ការតាមដាននោះចោលតែម្ដង។ ខុសពីកម្មវិធីមួយចំនួនដូចជា Disconnect, Ad-Block Plus និង Ghostery ដែលពួកគេប្រើទិន្នន័យដែលមានស្រាប់ពីកម្មវិធីដែលតាមដានតាមដានអ្នកប្រើប្រាស់អ៊ីនធឺណិត (black list domain) យកមកធ្វើការផ្ទៀងផ្ទាត់ ប្រសិនបើពួកគេរកឃើញថាមានសកម្មភាពតាមដានដែលដូចគ្នានឹងទិន្នន័យដែលពួកមានទើបពួកគេចាត់ទុកសកម្មភាពនោះថាជាការតាមដាន ហើយនឹងធ្វើការបិទកម្មវិធីនោះតែម្ដង។ ការបិទការតាមដានទាំងនោះភាគច្រើនផ្តោតលើការផ្សាយពាណិជ្ជកម្មនៅលើអ៊ីនធឺណិត។

Privacy Badger ក៏អាចនឹងបិទការផ្សាយពាណិជ្ជកម្មខ្លះដែរប្រសិនវារកឃើញថា ការផ្សាយពាណិជ្ជកម្មទាំងនោះបានបង្កប់នូវការតាមដានអ្នកប្រើប្រាស់។

តើ Privacy Badger ដំណើរការយ៉ាងដូចម្តេច?

នៅពេលដែលអ្នកប្រើអ៊ីនធឺណិត ដោយចូលទៅកាន់គេហទំព័រណាមួយ Privacy Badger នឹងធ្វើការត្រួតពិនិត្យជាមុនថា តើនៅក្នុងទំព័រនៃគេហទំព័រនោះមានបង្កប់ការតាមដានសកម្មភាពអ្នកចូលមើលដែរឬទេ។ ប្រសិនបើ Privacy Badger រកឃើញនូវសកម្មភាពតាមដានណាមួយក្នុងគេហទំព័រនោះ Privacy Badger នឹងបិទកម្មវិធី ឬសកម្មភាពតាមដាន (third-party sources) នោះចោលតែម្ដង។

ប្រសិនបើមានកម្មវិធី ឬសកម្មភាពដដែលនោះ(same source shows up repeatedly) បង្ហាញវត្តមាននៅលើគេហទំព័រផ្សេងៗទៀត Privacy Badger នឹងធ្វើកំណត់ដោយស្វ័យប្រវត្តិថាកម្មវិធីនោះលួចតាមដានអ្នកប្រើប្រាស់អ៊ីនធឺណិតហើយប្រាប់កម្មវិធីរុករក (Browser) ឱ្យធ្វើការបិទមិនឱ្យកម្មវិធី ឬសកម្មភាពតាមដាននោះអាចដំណើរការបាននៅគ្រប់គេហទំព័រដែលប្រើនៅលើកម្មវិធីរុករក (Browser) នោះ។ នៅពេលដែល browser បិទបញ្ឈប់ការតាមដាននោះអ្នកប្រើប្រាស់អ៊ីនធឺណិតនឹងអាចប្រើអ៊ីនធឺណិតបានដោយសេរី។ ឯកជនភាព និងសុវត្ថិភាពអ៊ីនធឺណិតរបស់អ្នកប្រើប្រាស់នឹងមានភាពប្រសើរឡើង។

តើត្រូវទាញយក និងដំឡើង Privacy Badger ដោយរបៀបណា?

ចូលទៅកាន់គេហទំព័រ www.eff.org/PrivacyBadger ដើម្បីទាញយកនឹងដំឡើង Privacy Badger នៅលើ Google Chrome និង Firefox។

របៀបតម្លើង Privacy Badger នៅលើ Firefox

១- បើកកម្មវិធី Firefox ចូលទៅកាន់គេហទំព័រ https://www.eff.org/PrivacyBadger

២- ចុចលើ Install Privacy Badger ដូចរូបខាងក្រោម

៣- ចុចលើពាក្យ Continue to install

៤- អ្នកនឹងឃើញដំណើរការនៃការទាញយក និងការតម្លើងកម្មវិធី(download and install)

៥- ចុចនៅលើពាក្យ Add

៦- អ្នកនឹងឃើញ logo កម្មវិធី Privacy Badger នៅផ្នែកខាងលើ

៧- អ្នកអាចចុចធិកនៅលើពាក្យ «Allow this extension to run in Private Windows» ប្រសិនបើអ្នកចង់ឱ្យកម្មវិធីនេះដំណើរការនៅពេលដែលអ្នកប្រើ Private Windows ចុងក្រោយចុចលើពាក្យ «Okay, Got it»