Author: DigitalHub
-
ក្រោមការគ្រប់គ្រងរបស់ លោកម៉ាក Twitter ស្ថិតក្នុងស្ថានភាពស្រពិចស្រពិល
រូបភាពៈ Jonathan Raa/NurPhoto via Getty Images
នេះមិនមែនជាបញ្ហាទីមួយទេ៖ កាលពីខែមុន អ្នកប្រើប្រាស់ជុំវិញពិភពលោក មិនអាចបង្ហោះ ធ្វីត ផ្ញើសារ ឬតាមដានគណនីរបស់ពួកគេ អស់រយៈពេលជាច្រើនម៉ោង។ បញ្ហាទាំងនេះបានធ្វើឲ្យ Twitter កំពុងរងផលអវិជ្ជមានជាច្រើន។
ឧទាហរណ៍មួយចំនួន៖ពាក់ព័ន្ធជាមួយរឿង សេរីភាពបញ្ចេញមតិ Musk បានអនុញ្ញាតឱ្យអ្នកប្រើប្រាស់ Twitter និយាយពីអ្វីក៏បានដោយគ្មានព្រំដែនកំណត់។ Musk ក៏បានស្ដារគណនីរបស់អ្នកប្រើប្រាស់រាប់ពាន់នាក់ ដែលត្រូវបានព្យួរពីមុនរួមទាំងគណនី Neo Nazi និង QAnon ផងដែរ (គណនី Neo-Nazi និង QAnon គឺជាគណនីដែលមានភាពជាតិនិយមនិងបញ្ហាការស្អប់ខ្ពើម ដល់ពូជសាសន៏ និងជនជាតិដទៃ)។ នេះគឺជាកត្តាជំរុញមួយ ដែលក្រុមអ្នកស្រាវជ្រាវ បានប្រាប់កាសែត NewYork Times ថានៅពីក្រោមការដឹកនាំរបស់ Musk មានការកើនឡើងនៃការនិយាយបែបស្អប់ខ្ពើម រើសអើង និងមើលងាយពូជ
សាសន៏ដទៃជាច្រើនករណី។ ឧទាហរណ៍ មានការកើនឡើងជាង ២00ភាគរយ នៃការប្រឆាំងនឹងជនជាតិស្បែកខ្មៅនៅពេលដែល Musk ចូលកាន់តំណែងជាប្រធានក្រុមហ៊ុន Twitter។លើសពីនេះទៀត Musk បានបង្កើតគម្រោងមួយដែលហៅថា “Twitter Blue” ជាផ្នែកមួយនៃកម្មវិធីដែលអ្នកប្រើប្រាស់Twitter អាចទិញ “BlueTick” ដើម្បីកំណត់អត្តសញ្ញាណរបស់ខ្លួនឲ្យកាន់តែច្បាស់។ ប៉ុន្តែដំណាក់កាលក្នុងការបង្កើតផ្នែកនេះ បង្កបញ្ហាជាច្រើន ដោយក្នុងនោះគេឃើញថា Twitter មាន Spam ជាច្រើនហើយពួកគេបានទិញ Twitter Blueដើម្បីក្លែងអត្តសញ្ញាណបុគ្គលល្បីៗ ដែលបង្កឲ្យមានភាពយល់ច្រលំ ដល់អ្នកប្រើប្រាស់។
បន្ថែមពីលើនេះទៀតចាប់តាំងពី Musk ចូលកាន់តំណែង លោកបានបញ្ឈប់ ឬបណ្តេញបុគ្គលិក ជាងពាក់កណ្តាលនៃក្រុមហ៊ុនTwitter ទាំងមូល។ ក្នុងនោះរួមមានក្រុមសំខាន់ៗ មួយចំនួន ដូចជាក្រុមដោះស្រាយការកែកំហុស ក្រុមសម្របសម្រួលមាតិកា និង អ្នកផ្សព្វផ្សាយពាណិជ្ជកម្មផងដែរ។
នៅលើផ្នែកអាជីវកម្ម ចំណូលសំខាន់ៗរបស់ Twitter កំពុងស្ថិតក្នុងគ្រោះថ្នាក់ ខណៈដែលអ្នកផ្សាយពាណិជ្ជកម្មធំៗ
ប្រហែល ៥00 បានផ្អាកការចំណាយលើ Twitter ចាប់តាំងពី Musk ចូលកាន់តំណែង។ នេះបង្ហាញពីក្តីព្រួយបារម្ភ អំពី
អាកប្បកិរិយាខុសឆ្គងទូទៅរបស់ Musk និងការកើនឡើងនូវអ្វីដែលអ្នកស្រាវជ្រាវនិយាយថា”ការកើនឡើងនៃការនិយាយបែបស្អប់ខ្ពើម និងរើងអើងពូជសាសន៍ នៅលើបណ្តាញសង្គមមួយនេះ ដែលមិនធ្លាប់មានពីមុនមក។ អ្នកផ្សាយពាណិជ្ជកម្ម កំពូលទាំង ៣0 របស់ Twitter បានទម្លាក់ការចំណាយរបស់ពួកគេលើ Twitter ចាប់ពីពេលដែល Musk បានកាន់កាប់រហូតដល់ចុងឆ្នាំ២០២២ នេះបើយោងតាម Reuters។ក្នុងប៉ុន្មានខែថ្មីៗនេះ អតីតនាយកប្រតិបត្តិ Twitter និងជាសហស្ថាបនិក Jack Dorsey ដែលកាលពីខែមេសាបានគាំទ្រMusk ជាអ្នកស្នងតំណែង បានចាប់ផ្តើមរិះគន់ការដឹកនាំរបស់Musk ពាក់ព័ន្ធជាមួយបញ្ហាបច្ចេកទេសថ្មីៗមួយ
ចំនួន។ -
ចំណាត់ថ្នាក់ក្រុមហ៊ុនផ្គត់ផ្គង់អ៊ីនធឺណិត១២ធំៗនៅលើពិភពលោក ក្នុងឆ្នាំ២០២២
Image by Bruno /Germany from Pixabay
ទោះបីជាមានការមើលឃើញតិចជាងដៃគូបច្ចេកវិទ្យា BigTech របស់ពួកគេក៏ដោយ ក៏ក្រុមហ៊ុនទូរគមនាគមន៍នៅតែមានអំណាចច្រើនជាង នៅក្នុងប្រទេសនីមួយៗ។ នេះជាការពិត ជាពិសេស ក្រុមហ៊ុនទូរគមនាគមន៍ ជាកម្មសិទ្ធិរបស់រដ្ឋាភិបាលមួយផ្នែក ឬទាំងមូល និងកន្លែងដែលពួកគេដំណើរការ ស្ថិតនៅក្នុងរបបផ្តាច់ការ។ ដើម្បីសម្រេចបាន អ៊ីនធឺណិតជាសកល ដែលគោរពសិទ្ធិមនុស្សជាសកល ក្រុមហ៊ុនទាំងនេះត្រូវមានភាពទទួលខុសត្រូវខ្ពស់ផងដែរ។
- សម្រាប់ឆ្នាំទី៣នេះ ក្រុមហ៊ុនTelefónica ដែលមានមូលដ្ឋាននៅប្រទេសអេស្បាញ បានឈរនៅលើកំពូលតារាងដោយសារការពង្រីក ការវាយតម្លៃហានិភ័យសិទ្ធិមនុស្ស ក៏ដូចជាការបង្ហាញដែលកត់សម្គាល់ថា វាមិនអនុលោមតាមសំណើរឯកជនសម្រាប់ការចាប់ពិរុទ្ធ ឬការផ្តល់ព័ត៌មានរបស់អ្នកប្រើប្រាស់ ឲ្យភាគីផ្សេងឡើយ។
- ក្រុមហ៊ុនអាហ្រ្វិកខាងត្បូង MTN ទទួលបានលទ្ធផលប្រសើរនៅឆ្នាំនេះ ដោយទទួលបាន១១.៤២ពិន្ទុ តាមពីក្រោយដោយក្រុមហ៊ុន América Móvil របស់ប្រទេសម៉ិកស៊ិក ដែលពិន្ទុរបស់ពួកគេបានកើនឡើង ៨.៤៧ពិន្ទុ។ MTN ក៏បានចូលរួមវេទិកាអ្នកពាក់ព័ន្ធពហុភាគី Global Network Initiative (GNI) និងបានអនុវត្តអនុសាសន៍RDR ផ្សេងទៀតផងដែរ។
- ក្រុមហ៊ុនកាតា Ooredoo និង UAE’s e& (អតីត Etisalat) បានជាប់ចំនាត់ថ្នាក់ចុងក្រោយនៅឆ្នាំនេះ ដោយក្រុមហ៊ុននេះ បន្តបង្ហាញតិចតួចបំផុតអំពីគោលនយោបាយ និងការអនុវត្តរបស់ពួកគេទាក់ទងនឹងសេរីភាព នៃការបញ្ចេញមតិ និងឯកជនភាព។
- ពិន្ទុសម្រាប់ទូរគមនាគមន៍អ៊ឺរ៉ុបភាគច្រើន ដូចជាពណ៌ទឹកក្រូចរបស់បារាំង តេឡេន័ររបស់ន័រវេរ និងវ៉ូដាហ្វូនរបស់ចក្រភពអង់គ្លេស បានធ្លាក់ចុះបន្តិច។
ប្រភពៈhttps://rankingdigitalrights.org/tgs22/executive-summary
-
៦ចំណុចដែលអ្នកគួរធ្វើប្រសិនបើទូរស័ព្ទរបស់អ្នកបាត់ ឬត្រូវបានគេលួច
Image by drobotdean on Freepik
ខាងក្រោមនេះ គឺជាជំហានមួយចំនួនដែលអ្នកអាចអនុវត្តបាន ដើម្បីស្វែងរកទូរស័ព្ទរបស់អ្នក ការពារទិន្នន័យដែលមានក្នុងទូរស័ព្ទរបស់អ្នក និងការពារខ្លួនអ្នកពីបញ្ហាផ្សេងៗប្រសិនបើទូរស័ព្ទរបស់អ្នកបាត់ដោយប្រការណាមួយ។
១. បញ្ជាក់ថាទូរស័ព្ទរបស់អ្នកពិតជាត្រូវបានគេលួច ឬបាត់ពិតមែន
ខលទៅទូរស័ព្ទរបស់អ្នកដើម្បីដឹងច្បាស់ថា តើថាទូរស័ព្ទរបស់អ្នក នៅជិតអ្នក ឬអ្នកបានជ្រុះ ឬក៏ភ្លេចនៅកន្លែងណាមួយ។ ប្រសិនបើទូរស័ព្ទរបស់អ្នកបិទសំឡេងរ៉ូ (Silent) អ្នកអាចប្រើ ប្រើមុខងារ Play Sound នៅក្នុង Find My Device ចំពោះទូរស័ព្ទ Android ដើម្បីបន្លឺសំឡេង។
២. ប្រើមុខងារ Find My Device
មុខងងារ Find My Device សម្រាប់ទូរស័ព្ទ Android និង Find My iPhone សម្រាប់ទូរស័ព្ទ iPhone អាចជួយ តាមស្វែងរកទូរស័ព្ទដែលបាត់ ឬត្រូវបានចោរលួច។ អ្នកអាចប្រើមុខងារនេះនៅលើកម្មវិធីរុករក (Browser) ឬតាមរយៈទូរស័ព្ទណាមួយផ្សេងទៀត។ ទាំងមុខងារ Find My Device និង Find My iPhone អាចឱ្យអ្នកស្វែងរកទីតាំង (Location) របស់ទូរស័ព្ទដែលបានបាត់នោះពីចម្ងាយ អាចឱ្យអ្នកអាចចាក់សោទូរស័ព្ទ (Lock) ធ្វើឱ្យទូរស័ព្ទរបស់អ្នកបន្លឺសំឡេងរ៉ូ ទោះបីជាអ្នកបានបិទសំឡេងក៏ដោយ ហើយថែមទាំងអាចឱ្យអ្នកលុបកម្មវិធី និងទិន្នន័យក្នុងទូរស័ព្ទរបស់អ្នកពីចម្ងាយបានផងដែរ ប្រសិនបើទូរស័ព្ទដែលបាត់នោះ នៅភ្ជាប់អ៊ីនធឺណិត។
នៅពេលដែលអ្នកបញ្ជាក់ថា ទូរស័ព្ទរបស់អ្នកបានបាត់ តាមរយៈមុខងារនេះ នោះទូរស័ព្ទរបស់អ្នកនឹងចាក់សោ ហើយគ្មានអ្នកណាម្នាក់ក្រៅពីអ្នកអាចបើកសោនោះដើម្បីប្រើទូរស័ព្ទរបស់អ្នកបានទេ។
ក្រុមហ៊ុន Samsung ក៏មានមុខងារស្រដៀងគ្នានេះសម្រាប់ទូរស័ព្ទ Samsung Galaxy របស់ខ្លួនដែរ ដែលមានឈ្មោះថា Find My Mobile ដែលអនុញ្ញាតឱ្យអ្នកប្រើប្រាស់អាចបម្រុងទុកទិន្នន័យពីចម្ងាយ ទាញយកការហៅទូរស័ព្ទ សារ និងសូម្បីតែដោះសោទូរស័ព្ទ។ តាមរយៈមុខងាររបស់ Sumsung នេះអ្នកក៏អាចពន្យារអាយុកាលនៃថ្មទូរស័ព្ទផងដែរ។
ប៉ុន្តែសូមចាំថា ទាំងមុខងារ Find My Device របស់ Android មុខងារ Find My iPhone របស់ Apple និង Find My Mobile របស់ Samsung អាចដំណើរការបានលុះត្រាតែទូរស័ព្ទនោះបានបើកដំណើរការមុខងារបង្ហាញទីតាំង (Enable Location) ហើយទិន្នន័យទីតាំងនេះនឹងត្រូវបានចែករំលែកជាមួយនឹងក្រុមហ៊ុន Google ក្រុមហ៊ុន Apple និង Samsung។
៣. ផ្លាស់ប្តូរលេខសម្ងាត់ចំពោះគណនីសំខាន់ៗ
កម្មវិធីធនាគារនៅលើស្មាតហ្វូនរបស់អ្នកត្រូវបានការពារដោយលេខកូដ PIN ឬ Bio Authentication Verification ដោយប្រើការស្កេនខ្ចៅដៃជាដើម។ ប៉ុន្តែអ៊ីមែល គេហទំព័រទិញទំនិញតាមអ៊ីនធឺណិត និងកម្មវិធីផ្សេងៗទៀត ភាគច្រើនមិនបានបើកមុខងារសុវត្ថិភាពបន្ថែម (2FA) ឬមុខងារផ្ទៀងផ្ទាត់ដោយស្វ័យប្រវត្តិទេ។ គេហទំព័រ និងកម្មវិធីខ្លះមិនមានមុខងារសុវត្ថិភាពបន្ថែមនេះតែម្តង។ ដូច្នេះសូមប្តូរពាក្យសម្ងាត់លើគណនីសំខាន់ៗទាំងអស់ ដែលអ្នកប្រើញឹកញាប់នៅលើស្មាតហ្វូនរបស់អ្នក ជាពិសេសពាក្យសម្ងាត់គណនីអ៊ីមែល ដែលអ្នកប្រើដើម្បីចុះឈ្មោះជាមួយនឹងគណនីផ្សេងៗ ព្រោះជាទូទៅ ពាក្យសម្ងាត់គណនីផ្សេងៗអាចផ្លាស់ប្តូរថ្មីបាន ការផ្ទៀងផ្ទាត់ជាមួយអ៊ីមែលនោះ។ អ្នកអាចប្រើកម្មវិធីគ្រប់គ្រងពាក្យសម្ងាត់ ដើម្បីការពារបង្កើតពាក្យសម្ងាត់រឹងមាំ និងការពារពាក្យសម្ងាត់គណនីផ្សេងៗរបស់អ្នកឱ្យមានសុវត្ថិភាព។
៤. ទាក់ទងទៅធនាគារ
វាពិតជាពិបាកខ្លាំងណាស់ក្នុងការបំបែកការផ្ទៀងផ្ទាត់ជីវមាត្រ (Biometric Authentication) ឬវិធានការសុវត្ថិភាពផ្អែកលើកូដPINនៃកម្មវិធីធនាគាររបស់អ្នកនៅលើទូរស័ព្ទដែលអ្នកបានបាត់។ ប៉ុន្តែអ្នកប្រើប្រាស់មួយចំនួនរក្សាទុកព័ត៌មានសម្ងាត់ ហិរញ្ញវត្ថុរបស់ពួកគេជាអត្ថបទធម្មតា (text) នៅលើ Cloud ដូចជា Google Drive ឬនៅលើកម្មវិធីកត់ចំណាំផ្សេងៗ ដូចជាNote ជាដើម។ ក្នុងករណីនេះ វាជាការចាំបាច់ក្នុងការជូនដំណឹងដល់ធនាគារដើម្បីស្នើសុំបិទកាត និងគណនីរបស់អ្នកជាបណ្តោះអាសន្ន។
៥. ទាក់ទងប្រតិបត្តិករទូរស័ព្ទចល័តរបស់អ្នក
អ្នកគួរតែជូនដំណឹងទៅប្រតិបត្តិករទូរស័ព្ទចល័ត ឬក្រុមហ៊ុនផ្តល់សេវាទូរស័ព្ទរបស់អ្នក ដរាបណាអ្នកដឹងថាទូរស័ព្ទរបស់អ្នកត្រូវបានគេលួច។ អ្នកអាចស្នើសុំក្រុមហ៊ុនផ្តល់សេវាឱ្យបិទស៊ីមរបស់អ្នក ដើម្បីការពារប្រតិបត្តិការដែលគ្មានការអនុញ្ញាត ឬការចូលប្រើសេវាកម្មផ្សេងទៀតតាមរយៈប្រព័ន្ធកំណត់ពាក្យសម្ងាត់ឡើងវិញដែលមានមូលដ្ឋានលើ OTP ។
៧. ដាក់ពាក្យបណ្តឹងទៅប៉ូលីស
ការដាក់ពាក្យប្តឹងប៉ូលីសអាចជួយអ្នកបានច្រើនផងដែរ។ ជាដំបូង វាអាចជួយអ្នកក្នុងការប្តឹងផ្តល់ ករណីដែលមានសកម្មភាពក្លែងបន្លំណាមួយដែលបានប្រព្រឹត្តតាមរយៈទូរស័ព្ទរបស់អ្នកបន្ទាប់ពីវាត្រូវបានលួច។ ហើយប្រសិនបើអ្នកមានការធានារ៉ាប់រងតាមទូរស័ព្ទ អ្នកធានារ៉ាប់រងនឹងទាមទាររបាយការណ៍ប៉ូលីសដើម្បីដំណើរការការទាមទាររបស់អ្នក។
-
ឥទ្ធិពលលើប្រទេសកំពុងអភិវឌ្ឍន៍ពីការទិញយក Twitter ដោយ Elon Musk
Photo by Brett Jordan on Unsplash
តាមទ្រឹស្ដី ការផ្ទៀងផ្ទាត់ Twitter បង្ហាញពីព័ត៌មានដែលមានគុណភាពល្អ ដើម្បីចៀសឆ្ងាយពីព័ត៌មានក្លែងក្លាយ និងព័ត៌មានមិនពិត។ ការផ្ទៀងផ្ទាត់ក៏អាចរារាំងអ្នកប្រើប្រាស់ពីការចែករំលែក ឬផលិតមាតិកាដែលមិនស្របតាមស្តង់ដាដែល Twitter បានកំណត់។ ទាំងអស់នេះផ្តល់អត្ថប្រយោជន៍ដល់អ្នកប្រើប្រាស់ Twitter ទាំងអស់ រួមទាំងអ្នកផ្សាយពាណិជ្ជកម្មផងដែរ។
ដោយសារតែវត្តមានអ្នកប្រើប្រាស់ Twitter មានចំនួនតិច តើការឲ្យទិញសញ្ញាធីកពណ៍ខៀវនេះអាច
បណ្តាលឲ្យចំនួនអ្នកប្រើប្រាស់កាន់តែថយចុះជាងនេះទៀតទេ? អាក្រក់ជាងនេះទៅទៀត តើមានតែអ្នកមានលទ្ធភាពក្នុងការទិញសញ្ញាធីកខៀវទេ ដែលអាចទទួលបានព័ត៌មានដែលមានគុណភាព?ស្តេចរបស់ប្រទេសអារ៉ាប៊ីសាអូឌីត និងមូលនិធិអធិបតេយ្យភាពកាតា គឺជាផ្នែកមួយដ៏ធំនៃក្រុមអ្នកវិនិយោគដែលបានសហការវិនិយោគជាមួយ Musk ដើម្បីទិញ Twitter បាន។ របបរាជានិយមផ្តាច់ការគឺឧបសគ្គនៃលទ្ធិប្រជាធិបតេយ្យ ជាពិសេសនៅក្នុងសកលលោកខាងត្បូង (Global South)។ តើនេះមានន័យយ៉ាងណាចំពោះការរំលោភសិទ្ធិមនុស្សទាក់ទងនឹងសេរីភាពនៃការបញ្ចេញមតិ? តើពលរដ្ឋនៃ Global South អាចប្រើប្រាស់សិទ្ធិរបស់ពួកគេក្នុងការបញ្ចេញមតិនយោបាយដោយសេរីនៅលើ Twitter ដែរឬទេ?
ខណៈពេលដែល Musk បានអនុវត្តព្រំដែនជាក់លាក់អំពីបញ្ហាសុវត្ថិភាពកុមារ អ្នករិះគន់បានអះអាងថាគោលនយោបាយសម្របសម្រួលមាតិកា (Content Moderation) របស់ Twitter ឥឡូវនេះមានភាពចម្រូងចម្រាស់គួរឲ្យកត់សម្គាល់។ ប្រសិនបើត្រូវបានគេបង្ហាញឱ្យឃើញថា បញ្ហានេះវាជាការពិត នោះអាចជាគ្រោះថ្នាក់ សម្រាប់តម្លៃប្រជាធិបតេយ្យនៅគ្រប់ទីកន្លែងក្នុងពិភពលោក មិនមែនត្រឹមតែនៅ Global South នោះទេ។
ការទិញយក Twitter របស់ Elon Musk អាចធ្វើឲ្យមានសក្តានុពល និងបញ្ហាប្រឈមយ៉ាងខ្លាំងសម្រាប់សហគមន៍អន្តរជាតិ ជាពិសេសនៅក្នុង GlobalSouth។ ដោយសារតែមានការកើនឡើងនៃអ្នកប្រើប្រាស់ប្រព័ន្ធផ្សព្វផ្សាយសង្គម ទំនងដែលភាគច្រើនមកពី Global South Twitter គួរតែត្រូវកត់សម្គាល់និងរួមបញ្ចូលគ្រប់កំរិតនៃនិន្នាការនយោបាយ និងសេដ្ឋកិច្ចរបស់អ្នកប្រើប្រាស់ទាំងអស់។
-
ការចាកចេញបុគ្គលិកជាច្រើនរបស់ Twitter បង្កើតជាមន្ទិលសង្ស័យរបស់បណ្តាញសង្គមមួយនេះ
Photo: elportaluco.com
បុគ្គលិកដែលនៅសេសសល់ជាច្រើននាក់នៅក្រុមហ៊ុនTwitter ហាក់ដូចជាបដិសេដសំណើររបស់ម្ចាស់ក្រុមហ៊ុនថ្មី លោក Elon Musk ក្នុងការធ្វើការហួសកំរិត ដោយអាចឲ្យក្រុមហ៊ុននេះមានភាពច្របូកច្របល់ និងចោទជាសំណួរធ្ងន់ធ្ងរថា តើក្រុមហ៊ុននេះនឹងរស់បានយូរប៉ុណ្ណា។
ការស្លាប់របស់ Twitter នឹងមានផលវិបាកយ៉ាងធ្ងន់ធ្ងរ ដោយសារតែបណ្តាញសង្គមនេះមានសារៈសំខាន់ចំពោះទំនាក់ទំនងសកល។ បណ្តាញសង្គមនេះជារឿយៗ ត្រូវបានគេប្រៀបធៀបទៅនឹងទីក្រុងឌីជីថលមួយ។ មេដឹកនាំពិភពលោកប្រើប្រាស់ Twitter ដើម្បីទំនាក់ទំនង អ្នកសារព័ត៌មានប្រើប្រាស់ Twitter ដើម្បីប្រមូលព័ត៌មាន អ្នកប្រឆាំងនៅក្នុងប្រទេសដែលគាបសង្កត់ប្រើ Twitter ដើម្បីរៀបចំប្រមូលផ្តុំគ្នា។
នៅក្នុងក្រុមហ៊ុន ការលាលែងពីតំណែងដ៏ច្រើនបានកើតឡើង។ បុគ្គលិករាប់រយនាក់បានចាកចេញ ជាថ្នូរនឹងការទទួលបានប្រាក់បំណាច់រយៈពេលបីខែ។ Musk បានជម្រុះចោលបុគ្គលិក 50% នៃកម្លាំងការងាររបស់ក្រុមហ៊ុននៅពេលនោះមានប្រមាណជា7,500នាក់។
បុគ្គលិកពីរនាក់ ដែលបានសម្រេចចិត្តបដិសេដការសម្រេចរបស់ Musk កាលពីថ្ងៃព្រហស្បតិ៍មុន បាននិយាយថា«ខ្ញុំមិនចង់នៅផុងខ្លួននៅធ្វើការជាមួយក្រុមហ៊ុន ដែលកំពុងត្រូវបានបំពុលពីខាងក្នុង និងខាងក្រៅទេ» ដោយបន្ថែមថា គាត់មានអារម្មណ៍ល្អក្នុងការសម្រេចចិត្ត «ខ្ញុំនូវតែប្រកាន់នូវតម្លៃ និងជំហររបស់ខ្ញុំជានិច្ច»។
បុគ្គលិកដែលទើបត្រូវបានបញ្ឈប់ពីការងារបាននិយាយថា «បុគ្គលិកមិនចង់បូជាទាំងសុខភាពផ្លូវចិត្ត និងជីវិតគ្រួសារ ដើម្បីធ្វើការឱ្យបុរសមានបំផុតក្នុងពិភពលោក ក្លាយជាអ្នកមានជាងហ្នឹងនោះទេ»។
ប្រភពៈ
https://edition.cnn.com/2022/11/17/media/twitter-exodus-reliable-sources/index.html -
វិទ្យុអាស៊ីសេរីត្រូវបានវាយហារ ដែលធ្វើឱ្យបែកធ្លាយទិន្នន័យផ្ទាល់ខ្លួនរបស់អ្នកប្រើប្រាស់ជិត៤ពាន់នាក់
យោងតាមឯកសារដែលបានប្តឹងទៅមេធាវី នៅរដ្ឋ Maine បានឱ្យដឹងថា ការវាយប្រហារនេះ បានកើតឡើងនៅថ្ងៃទី១៧ ខែមិថុនា ហើយត្រូវបានរកឃើញដោយ RFA កាលពីថ្ងៃទី២៨ ខែ មិថុនា។ យ៉ាងហោចណាស់មានទិន្នន័យរបស់មនុស្ស ៣៧៧៩នាក់ រងផលប៉ះពាល់ ដែលទិន្នន័យផ្ទាល់ខ្លួនទាំងនោះរួមមាន ទិន្នន័យអំពីអាសយដ្ឋានរបស់ពួកគេ លេខបណ្ណបើកបរ ព័ត៌មានធានារ៉ាប់រងសុខភាព ព័ត៌មានសុខភាព និងព័ត៌មានហិរញ្ញវត្ថុ មួយចំនួនដែរ។
យោងតាមលិខិតដែល RFA បានផ្ញើទៅកាន់ក្រុមជនរងគ្រោះបានបញ្ជាក់ថា ពួកគេបានដឹងពីហេតុការណ៍នេះនៅថ្ងៃទី២៨ ខែមិថុនា ឆ្នាំ២០២២។ ក្រុមអ្នកវាយប្រហារបានធ្វើសកម្មភាពនៅក្នុងប្រព័ន្ធអ៊ីមែលរបស់ពួកគេ ដែលឃើញមានសកម្មភាពនៃការលួចជ្រៀតចូលទៅក្នុងបណ្តាញប្រព័ន្ធម៉ាស៊ីនមេរបស់ពួកគេមួយចំនួន។
ក្រោយពីរកឃើញបញ្ហានេះ RFA បានផ្តាច់ប្រព័ន្ធរបស់ខ្លួនចេញពីអ៊ីនធឺណិតដោយដាក់វា Offline ដើម្បីដោះស្រាយបញ្ហាភ្លាមៗ ធ្វើការផ្លាស់ប្តូរពាក្យសម្ងាត់ ផ្លាស់ប្តូរប្រព័ន្ធអ៊ីមែលទៅដាក់នៅលើបណ្តាញអនឡាញថ្មី ធ្វើការស៊ើបអង្កេតជាមួយក្រុមជំនាញមានដូចជា ក្រុមសុវត្ថិភាពទិន្នន័យ និងឯកជនភាព ក្រុមអ្នកច្បាប់ជាដើម។
ការស៊ើបអង្កេតបានរកឃើញថា ការលួចជ្រៀតចូលទៅក្នុងប្រព័ន្ធរបស់ RFA នេះកើតឡើងតាមរយៈចន្លោះប្រហោងកម្មវិធីអ្នកផ្តល់សេវាជូន RFA។ រហូតមកដល់ពេលនេះ មិនទាន់មានភស្តុតាងណាមួយបញ្ជាក់ថា ព័ត៌មានដែលបានបែកធ្លាយទាំងនោះត្រូវបានយកទៅប្រើប្រាស់ ឬបង្កផលប៉ះពាល់ដល់ជនរងគ្រោះនៅឡើយ។ ជនរងគ្រោះត្រូវបានផ្តល់ជូននូវ សេវាកម្មត្រួតពិនិត្យឥណទាន រយៈពេលពីរឆ្នាំដោយមិនគិតថ្លៃតាមរយៈ Equifax ដែលជាគេហទំព័រដែលអាចតាមដាន និងជួយការពារប្រតិបត្តិការហិរញ្ញវត្ថុតាមលើកាតឥណទាន។
ប្រភពៈ
https://therecord.media/personal-data-of-nearly-4000-people-leaked-in-hack-of-radio-free-asia/ -
បើកមុខងារ Random Hardware Address ដើម្បីការពារការតាមដានទីតាំងកុំព្យូទ័រពេលភ្ជាប់ទៅកាន់ Wi-Fi
ទាញយកក្រាហ្វិចព័ត៌មាន ជា PDF
អានអត្ថបទលម្អិតអំពី មុខងារ Random Hardware Address -
បើកមុខងារ Random Hardware Address ដើម្បីការពារការតាមដានទីតាំងកុំព្យូទ័រពេលភ្ជាប់ទៅកាន់ Wi-Fi ណាមួយ
Photo by Edgar Moran on Unsplash
កន្លែងមួយចំនួនដូចជា ហាងទំនិញ ហាងកាហ្វេ ឬកន្លែងសាធារណៈជាដើម អាចប្រើលេខ Mac Address នេះ ដើម្បីតាមដានទីតាំង និងពីការបំលាស់ទី (Movement) របស់អ្នកនៅក្នុងតំបន់នោះ។
នៅពេលដែលអ្នកបើកមុខងារ Random Hardware Address នេះ កុំព្យូទ័ររបស់អ្នកនឹងបង្កើត Mac Address ថ្មី និងផ្លាស់ប្តូរគ្រប់ពេល នៅពេលដែលអ្នកភ្ជាប់ទៅកាន់បណ្តាញ Wi-Fi ជាជាងប្រើ Mac Address ពិតប្រាកដដែលអាចសម្គាល់កុំព្យូទ័ររបស់អ្នកបាន។ មុខងារនេះ មានភ្ជាប់មកជាមួយនឹង Windows 11 ប៉ុន្តែមិនបានបើកដំណើរការដោយស្វ័យប្រវត្តិទេ អ្នកត្រូវទៅបើកមុខងារនេះដោយខ្លួនឯង។ ចំពោះអ្នកប្រើ Windows ជំនាន់មុនៗ សូមធ្វើការស្វែងរក ហើយបើរកឃើញមានមុខងារនេះដែរ សូមធ្វើការបើកមុខងារនេះតាមការណែនាំដូចខាងក្រោម។
ជំហានទី១៖ ចូលទៅកាន់ Settings ដោយចុចលើ Start > Settings
ជំហានទី២៖ ចុចលើ Network & internet > បន្ទាប់មកចុចលើ Wi-Fi
ជំហានទី៣៖ ត្រង់ Random Hardware Address ចុច On
ជំហានទី៤៖ បិទផ្ទាំង Settings > Restart កុំព្យូទ័ររបស់អ្នក។
ទាញយកក្រហ្វិចព័ត៌មានពីអត្ថបទនេះ។
ស្វែងយល់បន្ថែមពីសុវត្ថិភាពក្នុងការប្រើ Wi-Fi នៅកន្លែងសាធារណៈ។ប្រភពៈ
-
គោលដៅវាយប្រហារដែលគាំទ្រដោយរដ្ឋាភិបាលលើសកម្មជនក្នុងតំបន់ អាស៊ី អាគ្នេយ៍
ទាញយកក្រាហ្វិចព័ត៌មាននេះជា PDF
