ធ្វើបច្ចុប្បន្នភាពៈ 30-03-2022
កម្មវិធីរុករកតាមអ៊ីនធឺណិត (Web Browser) គឺជាឧបករណ៍ឌីជីថលដ៏ចាំបាច់មួយដែលយើងប្រើប្រាស់ជារៀងរាល់ថ្ងៃនៅពេលដែលយើង ចូលទៅកាន់គេហទំព័រណាមួយនៅលើអ៊ីនធឺណិត។ ភាគច្រើនយើងបានស្គាល់កម្មវិធីរុករកមួយចំនួនដូចជា Internet Explorer, Microsoft Edge, Safari និង Google Chrome ជាដើម ដែលកម្មវិធីទាំងនេះ កម្មវិធីខ្លះត្រូវបានតម្លើងស្រាប់នៅលើកុំព្យូទ័រ និងកម្មវិធីខ្លះទៀតត្រូវបានតម្លើងនៅពេលដែលអ្នកទិញកុំព្យូទ័រពីហាងកុំព្យូទ័រណាមួយ។
ដោយសារយើងពឹងពាក់ស្ទើរតែទាំងស្រុងលើកម្មវិធីរុករក (Browser) នៅពេលដែលយើងប្រើអ៊ីនធឺណិត ដូច្នេះហើយបានជាកម្មវិធីរុក ក៏បានក្លាយជាគោលដៅនៃការវាយប្រហាររបស់ជនខិលខូច ឬ Hacker ទៅកាន់អ្នកប្រើអ៊ីនធឺណិតគ្រប់គ្នាផងដែរ។ ការវាយប្រហារទាំងនោះ មានគោលដៅ និងកម្រិតនៃហានិភ័យខុសគ្នា ដែលទំហំនៃការខូចខាត ឬរងគ្រោះក៏ផ្សេងៗគ្នាដែរ។ អ្នកខ្លះជាបុគ្គលសំខាន់ ដែលតែងតែត្រូវបានតាមដាន និងក្លាយជាជនគោលដៅនៃការវាយប្រហារ ចំណែកអ្នកខ្លះទៀតជាបុគ្គលធម្មតា ដែលភាគច្រើននៃពួកគេមិនមែនជនគោលដៅនៃការវាយប្រហារនៃក្រុមណាមួយទេ តែជនខិលខូចនៅលើអ៊ីនធឺណិតព្យាយាមប្រើវិធីផ្សេងៗដើម្បីប្រមូលទិន្នន័យក្នុងគោលបំណងក្នុងការផ្សព្វផ្សាយពាណិជ្ជកម្ម ឬប្រគល់ទិន្នន័យទាំងនោះទៅឱ្យជនទីបីប្រើប្រាស់ក្នុងគោលបំណងផ្សេងៗជាដើម។ល។
នៅក្នុងអត្ថបទនេះ យើងនឹងប្រាប់់ពីវិធីសាស្រ្តក្នុងការអនុវត្តមួយចំនួន ក្នុងបំណងឱ្យអ្នកប្រើប្រាស់ទាំងអស់គ្នា អាចការពារទិន្នន័យផ្ទាល់ខ្លួន ឬឯកជនភាពរបស់ខ្លួន និងអាចជួយការពារឱ្យពួកគេអាចការពារបាននូវសុវត្ថិភាពផ្ទាល់ខ្លួន នៅពេលដែលពួកគេប្រើអ៊ីនធឺណិតតាមរយៈកម្មវិធីរុករក Firefox។
ផ្លាស់ប្តូរកម្មវិធីរុករក (Browser) ក្នុងឧបករណ៍របស់អ្នក
ហេតុអ្វី? មិនមែនគ្រប់កម្មវិធីរុករកតាមអ៊ីនធឺណិតទាំងអស់ ត្រូវបានបង្កើតដូចគ្នាទេ កម្មវិធីខ្លះអាចការពារឯកជនភាព និងសុវត្ថិភាពរបស់អ្នកប្រើប្រាស់បានល្អប្រសើរជាងកម្មវិធីដទៃទៀត។
សូម កុំ ប្រើ
Microsoft Edge Internet Explorer សូម ប្រើ
Firefox: យើងសូមណែនាំកម្មវិធី Firefox ដែលបង្កើតឡើងដោយ Mozilla។ វាមានសុវត្ថិភាពល្អជាងកម្មវិធីផ្សេងទៀត។ Firefox គឺជាកម្មវិធីឥតគិតថ្លៃ និងបើកចំហកូដ (Free and Open Source Software)Google Chrome និង Safari ក៏មានសុវត្ថិភាពខ្ពស់ដែរ។ កម្មវិធីនេះ អាចជាជម្រើសមួយផ្សេងទៀតសម្រាប់អ្នកប្រើប្រាស់។ ទោះយ៉ាងណាក៏ដោយ Chrome និង Safari ជាកម្មវិធីដែលបង្កើតឡើងដោយក្រុមហ៊ុន Google និង Apple ដូច្នេះ វាអាចបញ្ជូនទិន្នន័យរបស់អ្នកទៅ Google និង Apple ច្រើនជាងអ្វីដែលអ្នកបានដឹង។ វាអាចនឹងភ្ជាប់ប្រវត្តិនៃប្រើប្រាស់អ៊ីនធឺណិតរបស់អ្នក ជាមួយគណនីអ៊ីមែលរបស់អ្នក និងព័ត៌មានផ្ទាល់ខ្លួនជាច្រើនផ្សេងទៀតរបស់អ្នក ទៅឱ្យក្រុមហ៊ុនទាំងនោះ។វីឌីអូបង្ហាញពីរបៀបក្នុងការកំណត់កម្មវិធី Firefox ឱ្យដំណើរការដោយស្វ័យប្រវត្តិនៅពេលអ្នកប្រើអ៊ីនធឺណិត
VIDEO
ធ្វើបច្ចុប្បន្នភាពកម្មវិធី Firefox
ជាទូទៅកម្មវិធី Firefox តែងតែធ្វើបច្ចុប្បន្នភាពដោយខ្លួនឯង ប៉ុន្តែប្រសិនបើអ្នកចង់ត្រួតពិនិត្យមើល ជំនាន់ (version) របស់កម្មវិធីនេះ ឬចង់ធ្វើបច្ចុប្បន្នភាពដោយផ្ទាល់ អ្នកអាចចូលទៅកាន់ Menu > Help > About Firefox ឬធ្វើតាមការណែនាំតាមវីឌីអូខាងក្រោមនេះ។
VIDEO
លុប និងបិទមុខងារក្សាពាក្យសម្ងាត់នៅលើ Firefox ហេតុអ្វី? តាមពិត Firefox អាចរក្សាទុក និងធ្វើកូដនីយកម្ម ឬអុីនគ្រីបពាក្យសម្ងាត់របស់អ្នកបាន។ តែទោះយ៉ាងណាក៏ដោយ យើងណែនាំអ្នកឱ្យបិទមុខងារនេះ ហើយប្រើកម្មវិធីគ្រប់គ្រងពាក្យសម្ងាត់ដូចជា KeePassXC ឬកម្មវិធីគ្រប់គ្រងពាក្យសម្ងាត់ផ្សេងទៀតជំនួសវិញ។ ការដែលអនុញ្ញាតឱ្យកម្មវិធីរុករក (Browser) អាចរក្សាទុកពាក្យសម្ងាត់របស់អ្នក គឺមានហានិភ័យខ្ពស់ណាស់ពីការវាយប្រហារផ្សេងៗនៅលើអុីនធឺណិត។
១- ពិនិត្យ និងលុបពាក្យសម្ងាត់នៅលើ Firefox
Firefox មានមុខងារក្នុងការគ្រប់គ្រងពាក្យសម្ងាត់នៅលើកម្មវិធីរបស់ខ្លួនដែលមានឈ្មោះថា Firefox Lockwise។ មុខងារនេះវានឹងធ្វើការរក្សាទុកពាក្យសម្ងាត់ និងព័ត៌មានគណនីអនឡាញរបស់អ្នកនៅពេលដែលអ្នកចូលទៅកាន់គណនីណាមួយជាលើកដំបូង។1- Menu > 2- Password ដូចរូបខាងក្រោម។
បន្ទាប់មក អ្នកនឹងឃើញផ្ទាំង Firefox Lockwise បង្ហាញឡើង ដែលមានបញ្ជីគណនីអនឡាញទាំងអស់ នៅផ្នែកខាងឆ្វេង។ សូមមើលរូបខាងក្រោមៈ
ដើម្បីធ្វើការពិនិត្យ ថតចម្លង និងលុបពាក្យសម្ងាត់សូមមើលរូបខាងលើ ជាមួយនឹងការពន្យល់ដូចខាងក្រោម។
រូបភ្នែកៈ ចុចលើរូបភ្នែកដើម្បីពិនិត្យមើលពាក្យសម្ងាត់ប៊ូតុង Copy: ចុចលើប៊ូតុង Copy ដើម្បីថតចម្លងពាក្យសម្ងាត់ប៊ូតុង Remove: ចុចលើប៊ូតុង Remove ដើម្បីលុបពាក្យសម្ងាត់ម្តងមួយៗសញ្ញាចុចបីដង (…): ចុចលើ សញ្ញាចុចបីដង > Remove All Logins ដើម្បីលុបពាក្យសម្ងាត់គណនីទាំងអស់ដែលបានរក្សាទុកលើ Firefox២- បិទមុខងាររក្សាទុកពាក្យសម្ងាត់លើ Firefox
បន្ទាប់ពីអ្នកបានពិនិត្យ ថតចម្លង និងលុបពាក្យសម្ងាត់ចេញពី Firefox អស់ហើយ អ្នកក៏អាចបិទមុខងារដើម្បីកុំឱ្យកម្មវិធីនេះរក្សាទុកពាក្យសម្ងាត់របស់អ្នកទៀតនៅពេលក្រោយ។
Menu > Settings > Privacy & Security > ស្វែងរក Logins and Password ដកធីក ចេញពី Ask to save logins and passwords for websites របៀបក្នុងការពិនិត្យ និងគ្រប់គ្រងសិទ្ធិក្នុងការប្រើប្រាស់មុខងារកាមេរ៉ា និងមីក្រូហ្វូន នៅលើ Firefox ហេតុអ្វី? ការអនុញ្ញាតសិទ្ធិនៅក្នុងកម្មវិធីរុករក ប្រៀបដូចនឹងការបើកចំហច្រកទ្វារផ្ទះអីចឹង ប្រសិនបើគេហទំព័រណាមួយអាចមានសិទ្ធប្រើមុខងារណាមួយដូចជាកាមេរ៉ា ឬមីក្រូហ្វូន ពីឧបករណ៍របស់អ្នក នោះគេហទំព័រផ្សេងៗទៀត ក៏ប្រហែលជាអាចប្រើមុខងារនោះបានដូចគ្នា។
សូមប្រាកដថា មានតែគេហទំព័រដែលអ្នកស្គាល់ និងទុកចិត្តប៉ុណ្ណោះ ដែលមានសិទ្ធិក្នុងការប្រើមុខងារសំខាន់ៗដូចជា កាមេរ៉ា ឬមីក្រូហ្វូន ឬទីតាំងនៅក្នុងឧបករណ៍របស់អ្នក។ សូមបញ្ជាក់ថា មេរោគខ្លះអាចប្រើសិទ្ធិទាំងនោះ ដើម្បីបើកច្រកអនុញ្ញាតឱ្យអ្នកផ្សេង ឬនរណាម្នាក់អាចមើលឃើញ ស្តាប់សំឡេង ឬដឹងថាអ្នកកំពុងនៅកន្លែងណាជាដើម។
នៅលើ Firefox អ្នកអាចអនុញ្ញាត ឬមិនអនុញ្ញាតគេហទំព័រណាមួយពីការចូលទៅប្រើកាមេរ៉ាឬមីក្រូហ្វូននៅលើឧបករណ៍របស់អ្នក។ មានវិធីសាស្ត្រច្រើន និងផ្សេងៗគ្នាក្នុងការកំណត់សិទ្ធិនៃការប្រើប្រាស់មុខងារនេះដោយអាស្រ័យលើប្រភេទឧបករណ៍ដែលអ្នកប្រើប្រាស់ផងដែរ។
១- ប្រើប្រាស់មុខងារ Prompt
បើកកម្មវិធី Firefox បន្ទាប់មកចូលទៅកាន់គេហទំព័រដែលទារសិទ្ធិក្នុងការប្រើប្រាស់កាមេរ៉ា និងមីក្រូហ្វូន។ អ្នកនឹងឃើញផ្ទាំងតូចមួយលោតឡើង ដូចរូបខាងក្រោម សួរអ្នកថា តើអ្នកអនុញ្ញាតឱ្យគេហទំព័រនោះប្រើកាមេរ៉ា និងមីក្រូហ្វូនចេញពីឧបករណ៍អ្នកដែរឬទេ? ធីក ក្នុងប្រអប់ Remember this decision ប្រសិនបើអ្នកចង់ឱ្យ Firefox ចងចាំនូវជម្រើសរបស់អ្នកសម្រាប់គេហទំព័រនេះ នៅពេលដែលអ្នកចូលទៅកាន់គេហទំព័រនេះម្តងទៀតនៅពេលក្រោយ នោះជម្រើសនេះនឹងត្រូវបានជ្រើសរើសដោយស្វ័យប្រវត្តិ។ចុចលើប៊ូតុង Allow ប្រសិនបើអ្នកអនុញ្ញាតឱ្យគេហទំព័រនេះអាចប្រើមុខងារកាមេរ៉ា និងមីក្រូហ្វូនចេញពីឧបករណ៍របស់អ្នក។ ចុចលើប៊ូតុង Block ប្រសិនបើអ្នកមិនអនុញ្ញាតឱ្យគេហទំព័រនេះប្រើមុខងារកាមេរ៉ា និងមីក្រូហ្វូនចេញពីឧបករណ៍របស់អ្នក។ សូមចងចាំថា អ្នកអាចនឹងមិនអាចប្រើមុខងារមួយចំនួននៅលើគេហទំព័រនេះ ប្រសិនបើអ្នកមិនអនុញ្ញាតឱ្យគេហទំព័រទាំងនោះអាចប្រើមុខងារដែលបានស្នើសុំ។ ឧ. ប្រសិនបើអ្នកធ្វើការប្រជុំអនឡាញ ហើយបិទមុខងារកាមេរ៉ា នោះអ្នកមិនអាចបើកាមេរ៉ាបានទេ ដូចគ្នានឹងមុខងារមីក្រូហ្វូន ប្រសិនបើអ្នកបិទ នោះពេលអ្នកនិយាយ អ្នកផ្សេងក៏មិនអាចលឺសំឡេងរបស់អ្នកបាននោះទេ។
២- ប្រើ Firefox Settings កំណត់សិទ្ធិក្នុងការប្រើប្រាស់កាមេរ៉ា
ចូលទៅកាន់ Menu > Privacy & Setting > អូសចុះក្រោម ស្វែងរក Permissions ចុចលើ Settings… ត្រង់ផ្នែកនៃកាមេរ៉ា (Camera)។ សូមមើលរូបខាងក្រោមៈ បន្ទាប់មក អ្នកនឹងឃើញផ្ទាំងមួយដែលអាចឱ្យអ្នកកំណត់សិទ្ធិកាមេរ៉ាដូចរូបខាងក្រោមៈ ជ្រើសរើសយក Allow ប្រសិនបើអ្នកអនុញ្ញាតឱ្យគេហទំព័រនោះប្រើកាមេរ៉ាចេញពីឧបករណ៍អ្នក ជ្រើសរើសយក Block បើអ្នកមិនអនុញ្ញាត ចុចលើ Remove Website លុបគេហទំព័រណាមួយចេញពីបញ្ជីនៃការប្រើប្រាស់មុខងារកាមេរ៉ាលើឧបករណ៍របស់អ្នក ចុច Remove all Websites ប្រសិនបើអ្នកចង់លុបគេហទំព័រទាំងអស់ចេញពីបញ្ជីនៃការប្រើប្រាស់មុខងារកាមេរ៉ានេះ ធីកលើ Block new requests asking to access your camera ប្រសិនបើអ្នកមិនចង់ឱ្យគេហទំព័រណាផ្សេងអាចមានសិទ្ធិប្រើកាមេរ៉ាចេញពីឧបករណ៍របស់អ្នក។ ចុច Save Changes ដើម្បីរក្សាទុកអ្វីដែលអ្នកបានកំណត់ខាងលើ។ – កំណត់សិទ្ធិក្នុងការប្រើប្រាស់មីក្រូហ្វូន
ចូលទៅកាន់ Menu > Privacy & Setting > អូសចុះក្រោម ស្វែងរក Permissions ចុចលើ Settings… ត្រង់ផ្នែកនៃមីក្រូហ្វូន (Microphone) ។ សូមមើលរូបខាងក្រោមៈ ចំពោះការផ្លាស់ប្តូរសិទ្ធិនៃការប្រើប្រាស់មីក្រូហ្វូនគឺអនុវត្តដូចគ្នានឹងមុខងារកាមេរ៉ាដូចបានបង្ហាញខាងលើ។
៣- ប្រើអាសយដ្ឋាននៅលើ Firefox (Firefox’s Address bar)
ចុចលើនិមិត្តសញ្ញា ដូចដែលបានបង្ហាញដូចរូបខាងលើ ចុចលើសញ្ញាខ្វែង (X) ដើម្បីលុបសិទ្ធិរបស់គេហទំព័រដែលអ្នកកំពុងប្រើពីការប្រើប្រាស់កាមេរ៉ា និងមីក្រូហ្វូនចេញពីឧបករណ៍របស់អ្នក។ បន្ទាប់ពីអ្នកបានចុចលើសញ្ញាខ្វែង (X) រួចហើយ នៅពេលដែលអ្នកចូលទៅកាន់គេហទំព័រនេះម្តងទៀត គេហទំព័រដដែលនេះ នឹងសុំសិទ្ធិដើម្បីប្រើប្រាស់កាមេរ៉ា និងមីក្រូហ្វូនសាជាថ្មី។ មុខងារ «ការពារពីការតាមដាន» ឬ Enhanced Tracking Protections
ហេតុអ្វី? ខុឃីស៍ (Cookies) និងកម្មវិធីតាមដានផ្សេងទៀត បានប្រមូលព័ត៌មានលម្អិតពីអ្នក ពួកគេអាចដឹងថាអ្នកជានរណា នៅឯណា និងបានចូលមើលគេហទំព័រណាខ្លះនៅលើអ៉ីនធឺណិត។ សាកគិតមើលថា នឹងមានបញ្ហាអ្វីខ្លះអាចកើតឡើង ប្រសិនបើព័ត៌មានទាំងនេះធ្លាក់ក្នុងដៃជនខិលខូច ឬក្រុមមនុស្សដែលកំពុងតែចង់តាមដានអ្នក។
ចូលទៅកាន់ Settings > Privacy & Security នោះអ្នកនឹងឃើញ Enhanced Tracking Protection ។ យ៉ាងហោចណាស់ កំណត់មុខងារនេះយកត្រឹម Standard ។ អ្នកអាចពិចារណាកំណត់យក Strick ដែលវានឹងអាចជួយការពារការតាមដាននៅលើអុីធឺណិតបានប្រសើរ ប៉ុន្តែនៅពេលដែលអ្នកជ្រើសរើសយក Strick មុខងារខ្លះនៅលើគេហទំព័រជាច្រើននឹងមិនដំណើរការ។ ចុចលើតំណភ្ជាប់នេះដើម្បីស្វែងយល់បន្ថែម https://support.mozilla.org/kb/enhanced-tracking-protection-firefox-desktop#w_adjust-your-global-enhanced-tracking-protection-settings
បើកមុខងារ DNS Over HTTPS (DoH)
ទោះបីគេហទំព័រដែលអ្នកចូលមើលមាន HTTPS ក៏ដោយ ក៏អ្នកមិនអាចការពារអាស័យដ្ឋាន ឬឈ្មោះគេហទំព័រ (Domain Name) ដែលអ្នកបានចូលមើលពី អ្នកគ្រប់គ្រងអ៊ីនធឹណិត ក្រុមហ៊ុនអ៊ីនធឺណិត និងក្រុម ផ្សេងទៀតដូចជាក្រុមអ្នកវាយប្រហារលើអ៊ីនធឺណិតបានដែរ។ DNS over HTTPS (DoH) ត្រូវបានបង្កើតឡើងដើម្បីដោះស្រាយបញ្ហានេះ។
ដើម្បីចូលទៅបើកមុខងារនេះ សូមមើលតាមការណែនាំដូចខាងក្រោម៖
ចុចលើ Menu > Settings ចូលទៅកាន់ General > ស្វែងរក Network Settings ចុច Settings ត្រង់ Network Settings > បន្ទាប់មកអ្នកនឹងឃើញផ្ទាំង Connection Settings បង្ហាញ អូសចុះក្រោម ទៅកាន់ Enable DNS over HTTPS ធីកលើប្រអប់នៅខាងមុខ Enable DNS over HTTPS ដូចរូបខាងក្រោម > បន្ទាប់មកចុង OK ស្វែងយល់បន្ថែមពី DNS over HTTPS (DoH) តាមរយៈអត្ថបទអំពី «កំណត់មិនឱ្យក្រុមហ៊ុនអ៊ីនធឺណិត (ISP) ដឹងពីគេហទំព័រដែលអ្នកចូលមើលតាមរយៈ DoH »។
ផ្លាស់ប្តូរ Search Engine
ហេតុអ្វី? Search Engine មានដូចជា Google Bing ជាដើម ប្រមូលទិន្នន័យជាច្រើនពីអ្នក ហើយពួកគេស្គាល់ច្បាស់ពីអ្នកនៅពេលដែលអ្នកប្រើសេវាកម្មរបស់ពួកគេ។ Search Engine ទាំងនេះតាមដានឧបករណ៍ដែលអ្នកកំពុងប្រើ និងចែករំលែកព័ត៌មានផ្ទាល់របស់អ្នក ជាមួយនឹងភាគីផ្សេងទៀត។ គ្រប់កម្មវិធីរុករក (Browser) ដែលអ្នកកំពុងប្រើ គឺកំពុងប្រើ Search Engine ណាមួយដោយស្វ័យប្រវត្តិដើម្បីអាចឱ្យអ្នកអាចធ្វើការស្រាវជ្រាវនៅលើអុីនធឺណិតបាន។ ដូច្នេះ សូមផ្លាស់ប្តូរ និងប្រើ Search Engine ណាដែលមិនធ្វើការតាមដានអ្នក។
សម្រាប់គ្រប់កម្មវិធីរុករក (Browser) ទាំងអស់
សម្រាប់ Firefox របៀបក្នុងការផ្លាស់ប្តូរ Search Engine: https://support.mozilla.org/kb/change-your-default-search-settings-firefox#w_default-search-engine
របៀបក្នុងការដាក់ ឬលុប Search Engine: https://support.mozilla.org/kb/change-your-default-search-settings-firefox#w_remove-or-add-search-engines
សម្រាប់ Chrome https://support.google.com/chrome/answer/95426
តម្លើងកម្មវិធីបន្ថែម (Plugin/ Add-on)
ហេតុអ្វី? នៅពេលដែលអ្នកចូលទៅកាន់អ៉ីនធឺណិត មានន័យថា អ្នកកំពុងតែចូលទៅកាន់កន្លែងដែលត្រូវបានបង្កើតឡើងដោយកូដ (code) ដែលអ្នកមិនដឹងថាអ្នកណាជាអ្នកសរសេរកូដ ហើយពួកគេមានប្រភពមកពីណាខ្លះនោះទេ។ នេះជាហេតុផលមួយ ដែលមេរោគ និងការតាមដានភាគច្រើនឆ្លងចេញមកពីគេហទំព័រដែលមាននៅលើអុីនធឺណិត។ លើសពីនេះទៅទៀត អ្នកដែលធ្វើការគ្រប់គ្រងការផ្សព្វផ្សាយពាណិជ្ជកម្មនៅលើគេហទំព័រ ពួកគេបានប្រើ ខូឃីស៍ (Cookies) ដែលជាផ្នែកមួយនៃកូដ មាននាទីក្នុងការតាមដានអ្នកប្រើអ៉ីនធឺណិត។ ចំណុចមួយដែលកាន់តែសំខាន់ទៅទៀតនោះគឺ មិនមែនគ្រប់គេហទំព័រទាំងអស់ដែលអ្នកបានចូលមើល ធ្វើការអ៊ីនគ្រីប ឬធ្វើកូដនីយកម្មរាល់ទិន្នន័យរបស់អ្នកនៅលើគេហទំព័ររបស់ពួកគេទេ ឬមិនមែនគ្រប់គេហទំព័រមាន HTTPS នោះទេ។យើងលើកទឹកចិត្តឱ្យអ្នកទាំងអស់គ្នា តម្លើង Plugin ឬ Add-on ដូចខាងក្រោម ដើម្បីការពារពីបញ្ហាសុវត្ថិភាព និងឯកជនភាពទាំងនេះ
HTTPS Everywhere: ហេតុអ្វី? វានឹងជួយការពារអ្នក ពីជនដែលព្យាយាមលួចនូវព័ត៌មានសំខាន់ៗពីអ្នក ដូចជា ពាក្យសម្ងាត់ អ៉ីមែល ព័ត៌មានពីគណនីធនាគារ ជាដើមពីគេហទំព័រដែលអ្នកកំពុងប្រើប្រាស់។ ការបញ្ជូនឬ ទទួលទិន្នន័យនៅលើគេហទំព័រដែលមាន HTTPS និងត្រូវបានអ៉ីនគ្រីប ឬធ្វើកូដនីយកម្ម ដែលអាចធានាបានពីសុវត្ថិភាពក្នុងការចរាចរណ៍ទិន្នន័យនៅលើអុីនធឺណិត។
Privacy Badger: ហេតុអ្វី? វានឹងជួយរារាំងអ្នកតាមដាន ដែលព្យាយាមប្រមូលទិន្នន័យពីអ្នកនៅលើអ៉ីនធឺណិត។ កម្មវិធីនេះនឹងពិនិត្យ និងធ្វើការរារាំងគេហទំព័រដែលព្យាយាមប្រមូលទិន្នន័យពីអ្នកដោយស្វ័យប្រវត្តិ។
uBlock Origin: ហេតុអ្វី? រារាំងការផ្សាយពាណិជ្ជកម្ម និងការតាមដានអ្នកនៅលើអ៉ីនធឺណិត https://ublockorigin.com/
កំណត់ឱ្យធ្វើការលុប ខុឃីស៍ (Cookies) ដោយស្វ័យប្រវត្តិ
Facebook Container: ប្រើបានតែនៅលើ Firefox តែប៉ុណ្ណោះហេតុអ្វី? រារាំងហ្វេសប៊ុកពីការប្រមូលទិន្នន័យពីអ្នក
គ្រប់គ្រងកម្មវិធីបន្ថែម (Add-on) និងផ្ទាំងដែលលោតឡើង (Pop-up) ផ្សេងៗ
ហេតុអ្វី? ជនខិលខូច អាចព្យាយាមបញ្ឆោតអ្នក ដោយឱ្យអ្នកតម្លើងមេរោគចូលទៅក្នុងឧបករណ៍របស់អ្នក តាមរយៈការដែលឱ្យអ្នកតម្លើងកម្មវិធី Add-on ណាមួយ។ ពួកគេអាចធ្វើបែបនេះតាមទម្រង់នៃការបង្ហាញ ផ្ទាំងឱ្យលោតឡើងនៅលើកុំព្យូទ័ររបស់អ្នក ប្រសិនបើអ្នកមិនប្រយ័ត្ន ឬមិនយកចិត្តទុកដាក់ អ្នកអាចចុចតម្លើងមេរោគទាំងនោះចូលទៅក្នុងកុំព្យូទ័ររបស់អ្នក។ ដើម្បីការពារករណីនេះ អ្នកត្រូវប្រាកដថា កម្មវិធីរុករករបស់អ្នក ត្រូវបានកំណត់ឱ្យការពារចំពោះបញ្ហានេះ។ បន្ថែមលើសពីនេះ ត្រូវប្រាកដថា កម្មវិធីបន្ថែមដែលអ្នកបានតម្លើង គឺតែងតែបានធ្វើបច្ចុប្បន្នភាព។ អ្នកគួរតែលុប Add-on ណាដែលអ្នកមិនស្គាល់ ឬមិនដែលប្រើចេញពីកម្មវិធីរុករករបស់អ្នក។ ប្រៀបដូចជាអាហារដែលទុកយូរតែងតែខូចគុណភាព កូដចាស់ៗតែងតែមានចន្លោះប្រហោង និងធ្វើឱ្យអ្នកមានហានិភ័យ។
ត្រូវប្រាកដថា Firefox ត្រូវបានកំណត់ឱ្យបិទផ្ទាំងដែលលោតឡើងទាំងនោះ និងបង្ហាញសារព្រមានអ្នកនៅពេលដែល Add-on ណាមួយប្រុងនឹងតម្លើង។ https://support.mozilla.org/kb/pop-blocker-settings-exceptions-troubleshooting#w_pop-up-blocker-settings
របៀបក្នុងការ ធ្វើបច្ចុប្បន្នភាពកម្មវិធីបន្ថែមផ្សេងៗ ដោយស្វ័យប្រវត្តិhttps://support.mozilla.org/kb/how-update-add-ons
របៀបក្នុងការលុប Add-on ដែលអ្នកមិនដែលបានប្រើhttps://support.mozilla.org/kb/disable-or-remove-add-ons
លុបប្រវត្តិនៃការស្រាវជ្រាវ (Browsing History)
ហេតុអ្វី? ប្រវត្តិនៃការស្រាវជ្រាវ ជាបញ្ជីនៃគេហទំព័រទាំងអស់ដែលបានចូលមើល។ Firefox នឹងជ្រើសរើសប្រើមុខងារ “Remember my browsing and download history” នៅក្នុងកម្មវិធីរបស់ខ្លួនដោយស្វ័យប្រវត្តិ ដែលមុខងារនេះ វាអាចចងចាំប្រវត្តិនៃការរុករក ឬចូលទៅកាន់គេហទំព័រណាមួយ ប្រវត្តិនៃការទាញយកឯកសារ ឬកម្មវិធីចេញពីគេហទំព័រណាមួយ ចងចាំប្រវត្តិនៃការបំពេញព័ត៌មានចូលទៅក្នុងទម្រង់ ឬការស្ទង់មតិ (Form) លើគេហទំព័រណាមួយ និងប្រវត្តិនៃការស្រាវជ្រាវនៅលើកម្មវិធីនេះ។ Firefox ក៏នឹងធ្វើការអនុញ្ញាតឱ្យខុឃីស៍ (Cookie) ដែលជាផ្នែកនៃកូដបង្កើតឡើងដើម្បីប្រមូលទិន្នន័យពីសកម្មភាពនៃការប្រើអុីនធឺណិតរបស់អ្នក អាចដំណើរការបាននៅលើគេហទំព័រដែលអ្នកបានចូលមើល។ Cookie ទាំងនេះអនុញ្ញាតឱ្យម្ចាស់គេហទំព័រអាចធ្វើការប្រមូលទិន្នន័យចេញពីឧបករណ៍ដែលអ្នកកំពុងប្រើប្រាស់ ដើម្បីសិក្សាពីអ្នក នឹងផ្តល់ត្រលប់មកវិញនូវផ្ទាំងពាណិជ្ជកម្មដែលអាចនឹងចាប់អារម្មណ៍ ឬផ្តល់ទិន្នន័យពីអ្នកទៅកាន់ដៃគូពាណិជ្ជកម្មរបស់ពួកគេជាដើម។
ប្រវត្តិកម្មវិធីរុករកអាចមានប្រយោជន៍ចំពោះអ្នក ព្រោះកម្មវិធីរុករកនឹងណែនាំអ្នកទៅកាន់ទំព័រដែលអ្នកធ្លាប់បានចូលមើលពីមុន ដោយអ្នកមិនចាំបាច់វាយអាសយដ្ឋានឡើងវិញនោះទេ។ ប៉ុន្តែវាក៏មានគុណវិបត្តិដែរ ប្រសិនបើមាននរណាម្នាក់ដឹងថាពីប្រវត្តិនៃការប្រើអុីនធឺណិតរបស់អ្នក ពួកគេអាចធ្វើការសិក្សាស្វែងយល់ពីអ្នក ពីក្រុមមនុស្សដែលអ្នកធ្វើការជាមួយ និងពីមាតិកាផ្សេងៗដែលអ្នកកំពុងអាន ឬស្រាវជ្រាវនៅលើអុីនធឺណិត។
Firefox
Chrome
លុបប្រវត្តិនៃការចូលទៅកាន់ទំព័រនៃគេហទំព័រណាមួយhttps://support.google.com/chrome/answer/95589?hl=en&co=GENIE.Platform=Desktop
ប្រើមុខងារ Private Browsing
ហេតុអ្វី? Private Browsing ជាមុខងារមួយដែល កម្មវិធីរុករកនឹងមិនធ្វើការតាមដានខុឃីស៍ និងមិនរក្សាទុកប្រវត្តិនៃការស្រាវជ្រាវរបស់អ្នក។ ប្រើមុខងារនេះ ជាវិធីសាស្រ្តដ៏រហ័ស មិនងាយស្រួលមួយ ដែលអាចជួយលាក់សកម្មភាពភាពមួយចំនួនរបស់អ្នកនៅលើអុីនធឺណិត។ វាអាចមានប្រយោជន៍សម្រាប់ការពារមិនឱ្យអ្នកដែលមានសិទ្ធិប្រើឧបករណ៍របស់អ្នក អាចពិនិត្យដឹងពីប្រវត្តិនៃការចូលទៅកាន់គេហទំព័រណាមួយនៅលើឧបករណ៍របស់អ្នក។
ស្វែងយល់បន្ថែមអំពីអ្វីដែល Private Browsing នឹងមិនការពារអ្នកបាន ឧទាហរណ៍ដូចជា វាមិនអាចការពារមិនឱ្យអ្នកដទៃដឹងថាអ្នកបានបង្ហោះអ្វីនៅលើបណ្តាញសង្គម ឯកសារដែលអ្នកទាញយកពីអ៊ីនធឺណិត ឬមិនអាចការពារមេរោគមិនឱ្យឆ្លងចូលក្នុងឧបករណ៍របស់អ្នកបានទេ។https://support.mozilla.org/kb/common-myths-about-private-browsing Firefox
ប្រភពៈ https://securityinabox.org/en/guide/firefox/windows/
