រូបភាពៈ Meta
មជ្ឈមណ្ឌលឯកជនភាព ផ្តល់ព័ត៌មានអំពីប្រធានបទឯកជនភាពទូទៅចំនួនប្រាំ៖ ការចែករំលែក សុវត្ថិភាព ការប្រមូលទិន្នន័យ ការប្រើប្រាស់ទិន្នន័យ និងការផ្សាយពាណិជ្ជកម្ម។
ម៉ូឌែលទីមួយសុវត្ថិភាព នឹងផ្តល់ភាពងាយស្រួលដូចជាការកំណត់សុវត្ថិភាពគណនី និងការផ្ទៀងផ្ទាត់ពីរកត្តា។ ការចែករំលែក នឹងផ្តល់នូវភាពជាក់លាក់អំពីលទ្ធភាពមើលឃើញនៃការបង្ហោះ និងការកំណត់ ឬសារបង្ហោះចាស់ៗ។ ការប្រមូល និងការប្រើប្រាស់ នឹងផ្តល់ឱ្យអ្នកប្រើប្រាស់នូវការក្រឡេកមើលយ៉ាងរហ័សនូវប្រភេទនៃទិន្នន័យដែលប្រមូលបានដោយMeta និងស្វែងយល់ពីរបៀប និងមូលហេតុដែលវាត្រូវបានប្រើប្រាស់រៀងៗខ្លួន។ ជាចុងក្រោយផ្នែកផ្សាយពាណិជ្ជកម្មនឹងផ្តល់ព័ត៌មានទាក់ទងនឹងចំណូលចិត្តការផ្សាយពាណិជ្ជកម្មរបស់អ្នកប្រើប្រាស់។
មជ្ឈមណ្ឌលនេះត្រូវបានគេរំពឹងថា នឹងត្រូវបានកំណត់ដំបូងចំពោះមនុស្សមួយចំនួនតូចដែលប្រើប្រាស់ Facebook នៅលើកុំព្យូទ័រនៅសហរដ្ឋអាមេរិក ជាមួយនឹងគម្រោងនឹងដាក់ឱ្យប្រើប្រាស់ទៅកាន់អ្នកប្រើប្រាស់ដ៏ទូលំទូលាយ និងកម្មវិធីជាច្រើនទៀតនៅក្នុងប៉ុន្មានខែខាងមុខនេះ។ អ្នកប្រើប្រាស់នឹងអាចចូលទៅកាន់មជ្ឈមណ្ឌលឯកជនភាព ដោយចូលទៅកាន់ការកំណត់ និងឯកជនភាពនៅលើកំណែរបស់Facebook ដែលអាចប្រើប្រាស់បាននៅលើកុំព្យូទ័រ។
មជ្ឈមណ្ឌលឯកជនភាព គឺជាធាតុបន្ថែមទៅលើPrivacy Shortcut និង Privacy Checkup ដែលទាំងពីរនេះណែនាំអ្នកប្រើប្រាស់តាមរយៈការកំណត់ឯកជនភាព និងសុវត្ថិភាពមួយចំនួន។ មុខងារថ្មីនេះ មានភាពខុសប្លែកគ្នាត្រង់ថា វាអាចនឹងក្លាយជាកន្លែងតែមួយ ដើម្បីរុករកការគ្រប់គ្រងឯកជនភាព និងសុវត្ថិភាពជាច្រើនដែលមាននៅលើFacebook Instagram និងWhatsApp។
ប្រភពៈ https://thehackernews.com/2022/01/facebook-launches-privacy-center-to.html