សុវត្ថិភាពលើអ៊ីនធឺណិត Archives

ការប្រើប្រាស់កម្មវិធី Tor នៅក្នុងប្រទេសរុស្សី

Image: Daniel Acker/Bloomberg via Getty Images

Tor ជួយអ៊ីនគ្រីបចរាចរណ៍អ៊ីនធឺណិត ឬភាសាសាមញ្ញ ចរាចរណ៍អ៊ីនធឺណិតត្រូវបានស្រោបការពារពីការតាមដានភ្នាក់ងារ ឬអង្គភាពផ្សេងទៀតចំនុចពិសេសរបស់ Tor គឺថាវាបង្កើតឲ្យមានភាពលំបាកដល់បុគ្គលឬស្ថាប័នដែលចង់តាមដានអ្នកដោយសារតែវាភ្ជាប់តាមខ្សែសង្វាក់នៃកុំព្យូទ័រជាច្រើននូវពាសពេញពិភពលោក។ មានប្រទេសជាច្រើនបានចាត់ទុកកម្មវិធីTor ជាការគំរាមកំហែងដល់ពួកគេក្នុងនោះប្រទេសរុស្សីបានព្យាយាមប្លុកកម្មវិធីនេះផងដែរ។

នៅខែធ្នូឆ្នាំ2021និយ័តករប្រព័ន្ធផ្សព្វផ្សាយរបស់រុស្ស៊ីRoskomnadzor បានអនុម័តដីកាតុលាការដើម្បីបញ្ជាឱ្យអ្នកផ្តល់សេវាអ៊ីនធឺណិត(ISPs)រារាំងគេហទំព័រ Tor Project។ នេះជាចំនុចចាប់ផ្តើមរបស់ក្រុម បច្ចេកទេស Tor ក្នុងការស្វែងរកវិធីសាស្ត្រ និងបច្ចេកទេសក្នុងការរក្សាបណ្តាញTor ឲ្យបន្តភាពសកម្មបើទោះបីជាការរឹតបន្តឹងនេះមានសភាពកាន់តែខ្លាំងក៏ដោយ។

នៅក្នុងប្រទេសរុស្ស៊ី ហេដ្ឋារចនាសម្ព័ន្ធអ៊ីនធឺណិត មានសភាពជាវិមជ្ឈការ(decentralized infrastructure)៖ISPs អាចទទួលបានការបញ្ជាពីRoskomnadzorប៉ុន្តែវាអាស្រ័យលើក្រុមហ៊ុននី
មួយៗក្នុងការអនុវត្តវា។ ខណៈពេលដែលអាជ្ញាធររុស្ស៊ីបាននឹងកំពុងតម្លើងឧបករណ៍ថ្មីៗ ដែលប្រើការត្រួតពិនិត្យកញ្ចប់ព័ត៌មានយ៉ាងស៊ីជម្រៅដើម្បីត្រួតពិនិត្យ និងទប់ស្កាត់សេវាកម្មអនឡាញ និងធ្វើឲ្យការប្លុកមានប្រសិទ្ធភាពកាន់តែខ្លាំង។គួរបញ្ជាក់ផងដែរថាប្រទេសចិនគឺជាប្រទេសតែមួយគត់ដែលបានទប់ស្កាត់ Tor ប្រកបដោយប្រសិទ្ធភាពដោយសារតែការគ្រប់គ្រងអ៊ីនធឺណិតនៅទីនោះមានសភាពជា
មជ្ឈការ (centralized infrastructure)។

ទិន្នន័យរបស់Tor បង្ហាញថាចាប់តាំងពីចុងឆ្នាំ2021 មកមានការថយចុះយ៉ាងខ្លាំងនៃចំនួនអ្នកប្រើប្រាស់Tor នៅក្នុងប្រទេសរុស្ស៊ី។ ទោះជាយ៉ាងណាក៏ដោយ អ្នកប្រើប្រាស់អាចភ្ជាប់ទៅសេវាកម្មដោយប្រើប្រាស់(Bridges)—ចំណុចចូលទៅកាន់បណ្តាញដែលមិនអាចត្រូវបានរារាំងដោយសារព័ត៌មានលម្អិតរបស់ពួកគេមិនបង្ហាញជាសាធារណៈ។ ទិន្នន័យខាងក្រៅពីក្រុមត្រួតពិនិត្យអ៊ីនធឺណិត OpenObservatory ofNetwork Interference (OONI) បង្ហាញពីការកើនឡើងយ៉ាងខ្លាំងនៃប្រជាជននៅក្នុងប្រទេសរុស្ស៊ីដែលចូលប្រើ Tor ដោយប្រើ Snowflake ។

កំណែចុងក្រោយបំផុតនៃកម្មវិធីរុករកតាមអ៊ីនធឺណិត Tor 11.5 ដែលត្រូវបានចេញផ្សាយកាលពីសប្តាហ៍មុនណែនាំមុខងារថ្មីៗដើម្បីជួយឲ្យអ្នកប្រើប្រាស់ជៀសផុតពីការត្រួតពិនិត្យ និងប្លុកដោយផ្អែកលើទីតាំងរបស់ពួកគេ។ Tor និយាយថាខ្លួនបានណែនាំការគាំទ្របន្ថែមទៀតសម្រាប់អ្នកប្រើប្រាស់រុស្សី ដោយពួកគេអាចរាយការណ៍ត្រឡប់មកវិញប្រសិនបើការប្រើប្រាស់ Tor ពួកគេកំពុងត្រូវបានរារាំង។Torក៏មានតំណភ្ជាប់(Bridges)ដែលដំណើរការដោយក្រុមស្ម័គ្រចិត្ដជាច្រើនទៀតដែលប្រជាជននៅក្នុងប្រទេសរុស្ស៊ីអាចប្រើប្រាស់ដើម្បីចូលទៅកាន់Tor។

Torក៏និយាយផងដែរថាការប្រើប្រាស់Telegramដើម្បីចែករំលែកព័ត៌មានលម្អិតអំពីTor Bridges មានប្រសិទ្ធភាពក្នុងការប្រយុទ្ធនឹងការប្លុករបស់រុស្សី។Tor បានបន្ថែមថា Tor មានគម្រោងចែករំលែកតំណភ្ជាប់ (Bridges) តាមរយៈ Signal និង WhatsApp នាពេលអនាគត។

ប្រសិនបើអ្នកប្រើប្រាស់អាចចូលប្រើ Tor ទាំងនៅក្នុងប្រទេសរុស្ស៊ី និងតំបន់ក្នុងប្រទេសអ៊ុយក្រែនដែលរុស្សីកាន់កាប់ ពួកគេនឹងអាចចូលមើលព័ត៌មានដែលមិនត្រូវបានគ្រប់គ្រងដោយរដ្ឋាភិបាលរុស្ស៊ី។ លោក Sarkis Darbinyan ប្រធានផ្នែកអនុវត្តច្បាប់នៃក្រុមសិទ្ធិឌីជីថលរុស្ស៊ី Roskomsvoboda និយាយថាគេហទំព័រជាង5,500ត្រូវបានបិទនៅក្នុងប្រទេសរុស្ស៊ី ចាប់តាំងពីការលុកលុយលើអ៊ុយក្រែនក្នុងខែកុម្ភៈ។ Darbinyan និយាយថា “ការទទួលបានព័ត៌មានពិតសម្រាប់ប្រជាជនរុស្ស៊ី ពិតជាមានសារៈសំខាន់ណាស់។ប៉ុន្តែដើម្បីទទួលបានព័ត៌មានពិតពួកគេត្រូវប្រើប្រាស់ឧបករណ៍ដូចជា VPN និង Tor។

ប្រភពៈ

August 15, 2022

រដ្ឋាភិបាលឥណ្ឌាព្យាយាមគ្រប់គ្រងការប្រើប្រាស់ VPN

Image by mohamed Hassan from Pixabay

Virtual Private Network (VPN) គឺជាបណ្តាញឯកជនសិប្បនិម្មិត ដែលអាចជួយការពារឯកជនភាព និងសុវត្ថិភាពនៅលើអ៊ីនធឺណិតរបស់អ្នកបានយ៉ាងច្រើន។

នៅថ្ងៃទី 28 ខែមេសា រដ្ឋាភិបាលឥណ្ឌា បានបញ្ជាក្រុមហ៊ុន VPN ឱ្យប្រមូល និងរក្សាទុកទិន្នន័យមួយចំនួនរបស់អ្នកប្រើប្រាស់ VPN រហូតដល់៥ឆ្នាំ និងត្រូវប្រគល់ទិន្នន័យទាំងនោះទៅឱ្យរដ្ឋាភិបាលប្រសិនបើមានការស្នើសុំ។ ករណីដែលក្រុមហ៊ុនណាមិនអនុវត្តតាម ពួកគេនឹងប្រឈមនឹងការអនុវត្តផ្នែកផ្លូវច្បាប់ ដូចជាការផាកពិន័យ ឬរហូតដល់ជាប់ពន្ធនាគារផង។

ទិន្នន័យដែលខាងរដ្ឋាភិបាលតម្រូវឱ្យក្រុមហ៊ុន VPN ធ្វើការប្រមូលយក និងរក្សាទុកនោះរួមមាន ឈ្មោះ អាសយដ្ឋាន លេខទំនាក់ទំនង អ៊ីមែល និងអាស័យដ្ឋាន IP របស់អ្នកប្រើប្រាស់។

ក្រុមហ៊ុន VPN មួយចំនួនកំពុងព្យាយាមធ្វើយ៉ាងណា ដើម្បីឱ្យពួកគេអាចដំណើរការនៅក្នុងប្រទេស ដោយមិនអនុវត្តតាមការណែនាំថ្មីនេះ ប៉ុន្តែក្រុមហ៊ុនភាគច្រើនកំពុងតែពិចារណា ក្នុងការដកម៉ាស៊ីនមេ (Sever) របស់ពួកគេ ចេញពីប្រទេសឥណ្ឌា។

ទោះយ៉ាងណាក៏ដោយ បើទោះបីជាក្រុមហ៊ុនមួយចំនួនអនុវត្តតាមការណែនាំរបស់រដ្ឋាភិបាល ក៏ក្នុងករណីខ្លះ ពួកគេមិនអាចប្រគល់ទិន្នន័យតាមការស្នើសុំរបស់រដ្ឋាភិបាលបានដែរ ព្រោះ VPN តែងតែមិនរក្សាទុកទិន្នន័យរបស់អ្នកប្រើប្រាស់ច្រើន និងក្នុងរយៈពេលយូរបែបនេះទេ។

ទន្ទឹមនឹងនេះដែរ ក្រុមហ៊ុនភាពយន្តធំៗ ដូចជាក្រុមហ៊ុម Millennium និង Voltage ជាដើម បានចោទប្រកាន់ថា VPN បានអនុញ្ញាតឱ្យអ្នកប្រើប្រាស់ធ្វើសកម្មភាពខុសច្បាប់មួយចំនួន ទាក់ទងនឹងការរំលោភលើសិទ្ធិអ្នកនិពន្ធ។ កាលពីខែមីនា ក្រុមហ៊ុនភាពយន្តចំនួន ២៦ បានធ្វើការចោទប្រកាន់ប្រឆាំងនឹងក្រុមហ៊ុន ExpressVPN និង Private Internet Access (PIA) ដែលជាក្រុមហ៊ុនផ្តល់សេវាកម្ម VPN លើបញ្ហាការរំលោភលើសិទ្ធិអ្នកនិពន្ធនេះ។

ប្រភព៖

May 18, 2022

កំណត់មិនឱ្យក្រុមហ៊ុនអ៊ីនធឺណិត (ISP) ដឹងពីគេហទំព័រដែលអ្នកចូលមើលតាមរយៈមុខងារ DNS over HTTPS

ដើម្បីអាចយល់ពី DNS over HTTPS (DoH) អ្នកគួរយល់ពី DNS ជាមុនសិន។

DNS ជាអ្វី?

ពាក្យពេញរបស់ DNS គឺ Domain Name System វាមាននាទីជាអ្នកបកប្រែពីឈ្មោះ Domain ឬឈ្មោះគេហទំព័រ (ឧ. www.digitalhub101.com) ដែលបង្កើតឡើងដើម្បីឱ្យមនុស្សងាយអាន និងងាយចងចាំ ទៅជាលេខ (ឧ. 35.213.146.231) សម្រាប់ឱ្យម៉ាស៊ីនអាចអាន និងយល់បាន។

គេអាចប្រៀបធៀប DNS ទៅនឹងបញ្ជីលេខទូរស័ព្ទ។ ជាទូទៅ យើងតែងតែរក្សាទុកលេខ ដោយភ្ជាប់ជាមួយនិងឈ្មោះ ដើម្បីឱ្យងាយស្រួលចងចាំ និងអាចដឹងថាលេខទូរស័ព្ទណា ជារបស់អ្នកណា។ DNS ក៏ដូចគ្នា គ្រប់ឈ្មោះគេហទំព័រដែលមាននៅលើអ៊ីនធឺណិត គឺមានភ្ជាប់មកជាមួយនូវលេខ ដែលត្រូវបានគេហៅថា អាស័យដ្ឋានអាយភី (IP Address)។

តើ DNS ដំណើរការយ៉ាងដូចម្តេច?

នៅពេលដែលអ្នកចូលទៅកាន់គេហទំព័រណាមួយ អ្នកគ្រាន់តែវាយអាស័យដ្ឋាន ឬឈ្មោះគេហទំព័រនោះនៅលើកម្មវិធីរុករករបស់អ្នក ភ្លាមៗអ្នកនឹងឃើញគេហទំព័រនោះនៅលើអេក្រង់កុំព្យូទ័រ ឬទូរស័ព្ទរបស់អ្នក។ ប៉ុន្តែតាមពិត ដំណើរការនៃការបញ្ជូនគេហទំព័រ ចេញពីឧបករណ៍របស់អ្នក ដើម្បីស្វែងរកគេទំព័រដែលអ្នកបានចង់មើលនោះ ត្រូវឆ្លងកាត់តាមរចនាសម្ព័ន្ធរបស់ DNS ជាច្រើនដំណាក់កាល។ រចនាសម្ព័ន្ធ DNS សំខាន់ៗចំនួន៤ដែលមានតួនាទីខុសៗគ្នា ក្នុងការស្វែងរកគេហទំព័រ និងបញ្ជូនត្រលប់មកវិញនូវគេហទំព័រមានដូចខាងក្រោម៖

DNS Resolver: ជាភ្នាក់ងារដំបូងគេដែលជួយក្នុងការបញ្ជូនបន្ត សំណើរបស់អ្នកទៅកាន់ DNS Server ផ្សេងទៀត។ ក្រុមហ៊ុនផ្គត់ផ្គង់សេវាអ៊ីនធឺណិត (ISP) ដើរតួជា DNS Resolver។
Root Nameserver: គឺជា DNS Sever ដែលស្ថិតនៅលើគេនៃហេដ្ឋារចនាសម្ព័ន្ធ DNS។ DSN Server មិនមានរក្សាទុកព័ត៌មានអ្វីពីគេហទំព័រណាមួយទេ ប៉ុន្តែជាអ្នក ចង្អុលបង្ហាញផ្លូវ ឱ្យបានត្រឹមត្រូវប្រាប់ DNS Resolver ទៅកាន់ TLD Nameserver។
TLD Nameserver: មាននាទីក្នុងការ រក្សាទុក និងគ្រប់គ្រងព័ត៌មានអំពី Top-level Domain (TLD)។ Top-level Domain គឺជាផ្នែកខាងក្រោយនៃឈ្មោះគេហទំព័រដែលមានដូចជា .com, .org, .net ជាដើម។ល។
Authoritative Nameserver: ជា DNS Server ចុងក្រោយគេ ដែលរក្សាទុករាល់ព័ត៌មានពីគេហទំព័រ រួមទាំងអាស័យដ្ឋានអាយភី (IP Address) ផងដែរ។ Authoritative Nameserver ជាកន្លែងដែលរក្សាទុកគេទំព័ររបស់អ្នកនៅលើអ៊ីនធឺណិត ឬត្រូវបានគេស្គាល់ថា Hosting។

ដំណើរការ DNS នៅពេលដែលអ្នកចូលទៅកាន់គេហទំព័រណាមួយ

នៅពេលដែលអ្នកវាយអាស័យដ្ឋានគេហទំព័រណាមួយ នៅលើកម្មវិធីរុករក ឬ Web Browser (ឧ. www.digitalhub101.com) នោះមានន័យថា អ្នកកំពុងស្នើសុំភ្ជាប់ទៅកាន់គេហទំព័រនោះ ដោយឆ្លងកាត់ DNS Server ទាំង៤ខាងលើ តាមលំដាប់លំដោយ។ ក្រុមហ៊ុនផ្គត់ផ្គង់សេវាអ៊ីនធឺណិត (ISP) ធ្វើការមុនគេ ក្នុងការបកប្រែឈ្មោះគេហទំព័រ (ឧ. www.digitalhub101.com) ទៅជាអាស័យដ្ឋានអាយភី (IP Address) ឧ. 35.213.146.231 បញ្ជូនបន្តបន្ទាប់រហូតទៅដល់ Authoritative Nameserver ឬកន្លែងដែលផ្ទុកគេហទំព័រនៅលើអ៊ីនធឺណិត និងបញ្ជូនត្រលប់មកវិញ នៅអាស័យដ្ឋានអាភីត្រឹមត្រូវ ដែលអនុញ្ញាតឱ្យអ្នកប្រើប្រាស់ឃើញគេហទំព័រនោះនៅលើកម្មវិធីរុករករបស់ពួកគេ។

អ្វីជា DNS over HTTPS?

ដំណើរការនៃការបញ្ជូនបន្តបន្ទាប់តាមរយៈរចនាសម្ព័ន្ធរបស់ DNS ខាងលើ គឺមិនត្រូវបានការពារ ឬធ្វើកូដនីយកម្ម (Encrypt) នោះទេ។ មានន័យថា ចាប់ពី DNS Resolver ឬក្រុមហ៊ុនផ្គត់ផ្គង់អ៊ីនធឺណិត (ISP) និងភាគីបន្តបន្ទាប់ ពួកគេបានដឹងនូវគ្រប់គេហទំព័រដែលអ្នកបានចូលមើល។

ប្រសិនបើគេហទំព័រនោះ មាន HTTPS នឹងអាចជួយការពារមិនឱ្យក្រុមហ៊ុនអ៊ីនធឺណិត និងក្រុមផ្សេងៗដឹងពីទំព័រ ជាក់លាក់ដែលអ្នកបានចូលមើលនៅលើគេហទំព័រមួយនោះ។ HTTPS ជាមុខងារសុវត្ថិភាពមួយ ដែលអាចជួយការពារ ឬធ្វើកូដនីយកម្ម (Encrypt) រាល់តំណភ្ជាប់ ឬអាស័យដ្ឋានដែលនៅខាងក្រោយបន្ទាប់ពីឈ្មោះគេហទំព័រ ប៉ុន្តែមិនអាចការពារ ឬបិទបាំងនូវឈ្មោះគេហទំព័រ (Domain Name) បានទេ។ ឧទាហរណ៍ ប្រសិនបើអ្នកចូលទៅកាន់ https://digitalhub101.com/useful-resources/ នោះក្រុមហ៊ុនអ៊ីនធឺណិតដឹងថាអ្នកបានចូលទៅកាន់គេហទំព័រ https://digitalhub101.com ប៉ុន្តែពួកគេមិនដឹងថាអ្នកបានចូលទៅកាន់ទំព័រ useful-resources នោះទេ។

រូបភាព៖ ssd.eff.org
រូបភាពនេះបង្ហាញថា នៅពេលអ្នកចូលមើលគេហទំព័រដែលមាន HTTPS នោះរាល់អាស័យដ្ឋាន នៅខាងក្រោយឈ្មោះគេហទំព័រនឹងត្រូវបានការពារ

មុខងារ DNS over HTTPS មានន័យថា នឹងជួយការពារ ឬធ្វើកូដនីយកម្ម (Encrypt) ទាំងឈ្មោះគេហទំព័រ បន្ថែមលើមុខងារ HTTPS ដែលមានស្រាប់។ នៅពេលដែលអ្នកបើកមុខងារ DNS over HTTPS ក្រុមហ៊ុនអ៊ីនធឺណិត លែងដឹងពីអាស័យដ្ឋានគេហទំព័រដែលអ្នកបានចូលមើល និងក៏មិនអាចដឹងថាអ្នកបានចូលទៅកាន់ទំព័រណាខ្លះដែរ។ មុខងារនេះ DNS over HTTPS នេះជួយការពារបានទាំងស្រុង នូវគ្រប់អាស័យដ្ឋានគេហទំព័រ (URL) ដែលអ្នកបានចូលមើល។

នៅពេលដែលអ្នកប្រើមុខងារនេះ ក្រុមហ៊ុនអ៊ីនធឺណិត (ISP) នឹងដឹងថាអ្នកបានធ្វើការភ្ជាប់ទៅកាន់ម៉ាស៊ីនមេរបស់ភ្នាក់ងារ ឬសេវាកម្ម DNS ណាមួយដែលអ្នកបានប្រើ (ឧទាហរណ៍ ប្រសិនបើអ្នកប្រើ Cloudflare នោះពួកគេនឹងដឹងថាអ្នកភ្ជាប់ទៅកាន់ Cloudflare) ប៉ុន្តែពួកគេមិនដឹងពីគេហទំព័រដែលអ្នកចូលមើលនោះទេ។ អ្នកអាចបើកមុខងារ DNS over HTTPs បាននៅលើកម្មវិធីរុករក នៅលើកុំព្យូទ័រ និងទូរស័ព្ទ។

រូបភាព៖ ssd.eff.org
រូបភាពនេះ បង្ហាញថា នៅពេលដែលអ្នកបើកមុខងារ DNS over HTTPS នោះអាស័យដ្ឋានគេហទំព័រ និងតំណភ្ជាប់បន្តបន្ទាប់នៃគេហទំព័រដែលអ្នកចូលមើល នឹងត្រូវបានការពារ

ក្នុងអត្ថបទនេះ យើងនឹងបង្ហាញតែពីរបៀបក្នុងការបើកមុខងារ DoH នៅលើកម្មវិធីរុករក (Firefox និង Google Chrome) នៅលើទូរស័ព្ទអែនដ្រយ (Android) និងកុំព្យូទ័រដំណើរការដោយ Windows 11។

របៀបបើកមុខងារ DoH នៅលើ Firefox

Firefox បានដាក់ដំណើរការមុខងារនេះដោយស្វ័យប្រវត្តិដល់អ្នកប្រើប្រាស់របស់ខ្លួននៅ ប្រទេសមួយចំនួន ដូចជានៅសហរដ្ឋអាមេរិក បានដាក់ដំណើរការតាំងឆ្នាំ២០១៩ នៅប្រទេសកាណាដា ដាក់ដំណើរការក្នុងឆ្នាំ២០២១ នៅរុស្សី និងអ៊ុយក្រែន ដាក់ដំណើរការក្នុងខែមីនា ឆ្នាំ២០២២នេះ។ សម្រាប់ប្រទេសដទៃផ្សេងទៀត ដូចជានៅកម្ពុជាជាដើម អ្នកប្រើប្រាស់ត្រូវចូលទៅបើកមុខងារនេះដោយខ្លួនឯង។

ដើម្បីចូលទៅបើកមុខងារនេះ សូមមើលតាមការណែនាំដូចខាងក្រោម៖

ចុចលើ Menu > Settings
ចូលទៅកាន់ General > ស្វែងរក Network Settings
ចុច Settings ត្រង់ Network Settings > បន្ទាប់មកអ្នកនឹងឃើញផ្ទាំង Connection Settings បង្ហាញ
អូសចុះក្រោម ទៅកាន់ Enable DNS over HTTPS
ធីកលើប្រអប់នៅខាងមុខ Enable DNS over HTTPS ដូចរូបខាងក្រោម > បន្ទាប់មកចុង OK

របៀបបើកមុខងារ DoH នៅលើ Google Chrome

នៅលើ Google Chrome អ្នកអាចចូលទៅកាន់មុខងារនេះ ដូចខាងក្រោម៖

ចុចលើសញ្ញា ចុចបី (…)
Settings
Privacy and Security
Security ដែលនៅផ្នែកខាងស្តាំ
អូសចុះក្រោម ស្វែងរក Use Secure DNS
បើកមុខងារនេះ ដោយអូសទៅខាងស្តាំ ដូចបង្ហាញក្នុងរូប

របៀបបើកមុខងារ DoH នៅលើទូរស័ព្ទ Android

ដើម្បីអាចបើកមុខងា DNS over HTTPS (DoH) នៅលើទូរសព្ទ Android បាន សូមអុនុវត្តតាមជំហានដូចខាងក្រោម៖

1- ចូលទៅកាន់ Settings

2- ចុចលើ Network & internet

3- ចុចលើពាក្យ Advanced

ចុចនៅលើ Private DSN

4- ជ្រើសរើសយក Private DNS provider hostname និងបំពេញអាស័យដ្ឋាន DNS របស់ស្ថាប័នណាដែលអ្នកពេញចិត្ត > SAVE

បើអ្នកចង់ប្រើ DNS របស់ក្រុមហ៊ុន Google អ្នកអាចវាយ dns.google ប្រសិនបើអ្នកចង់ប្រើ DNS របស់ Cloudflare សូមវាយបញ្ចូល one.one.one.one ឬ 1dot1dot1dot1.cloudflare-dns.com។ យើងណែនាំ ឱ្យប្រើ DNS របស់ Cloudflare ព្រោះគោលការក្នុងការគោរពឯកជនភាព របស់អ្នកប្រើប្រាស់ មានភាពប្រសើរជាង។

របៀបបើកមុខងារ DoH នៅលើកុំព្យូទ័រប្រើ Windows 11

1- ចូលទៅកាន់ Start Menu > Setting

2- ស្វែងរកពាក្យ Network and Internet នៅផ្នែកខាងឆ្វេង > ចុចលើ Wi-Fi នៅផ្នែកខាងស្តាំ

3- ចុចលើ Hardware properties

4- ស្វែងរក DNS server assignment > ចុច Edit

5- ត្រង់ Automatic (DHCP) ជ្រើសរើសយក Manual

6- ចុចលើ IPv4 អូសទៅខាងស្តាំ > ON

7- ត្រង់ Preferred DNS បំពេញ អាស័យដ្ឋាន DNS Server ណាដែលអ្នកពេញចិត្ត។ ក្នុងឧទាហរណ៍នេះយើងប្រើ DNS របស់ Cloudflare

8- ត្រង់ DNS over HTTPS > ជ្រើសរើសយក On (automatic template)

9- ត្រង់ Alternate DNS បំពេញ DNS មួយផ្សេងទៀត (ជាទូទៅយ៉ោងហោចណាស់ យើងត្រូវបំពេញ DNS ចំនួន២ ការពារក្នុងករណី DNS ណាមួយមានបញ្ហា នោះឧបករណ៍របស់អ្នក និងប្រើ DNS មួយផ្សេងទៀត)។

10- អូសចុះក្រោម ត្រង់ IPv6 ចុច On និងអនុវត្តដូច IPv4 ខាងលើ ប៉ុន្តែនៅត្រង់ កន្លែងបំពេញអាស័យដ្ឋាន DNS អ្នកត្រូវប្រើទម្រង់ DNS ដែលអាចប្រើជាមួយ IPv6 ដូចរួបបង្ហាញខាងក្រោម។

វិឌីអូ ពីរបៀបក្នុងការ បើកមុខងារ DNS over HTTPs នៅលើ Windows 11

ប្រភពៈ

March 29, 2022

សង្ខេបព័ត៌មានអំពីសុវត្ថិភាពឌីជីថលប្រចាំខែកុម្ភៈ ឆ្នាំ២០២២

ទាញយក សង្ខេបព័ត៌មានអំពីសុវត្ថិភាពឌីជីថលប្រចាំខែកុម្ភៈ ឆ្នាំ២០២២ ជាភាសាខ្មែរ និងអង់គ្លេស

ក្រុមហ៊ុន Gamaredon របស់រុស្ស៊ី កំពុងកំណត់គោលដៅយ៉ាងសកម្មលើអ៊ុយក្រែន

ចាប់តាំងពីខែវិច្ឆិកាមក ទំនាស់រវាងរុស្ស៊ី និងអ៊ុយក្រែន កាន់តែមានភាពតានតឹង។ តាមការប៉ាន់ស្មាន រុស្ស៊ីបានប្រមូលទ័ពជាង ១០ ម៉ឺននាក់នៅព្រំដែន ភាគខាងកើតអ៊ុយក្រែន ដែលនាំឲ្យអ្នកខ្លះគិតថា ការឈ្លានពានអាចនឹងកើតមានបន្ទាប់។ នៅថ្ងៃ ទី14 ខែមករា ឆ្នាំ2022ជម្លោះនេះបានផ្លាស់ប្តូរទៅលើ អ៊ីនធឺណេត ដោយសាររដ្ឋាភិបាលអ៊ុយក្រែន ត្រូវបានគេកំណត់គោលដៅ ដោយមេរោគបំផ្លិចបំផ្លាញ (Whisper Gate) ហើយភាពងាយរងគ្រោះ ដាច់ដោយឡែក មួយនៅក្នុង October CMS ត្រូវបានកេងប្រវ័ញ្ចដើម្បីបំផ្លាញគេហទំព័ររដ្ឋាភិបាលអ៊ុយក្រែនជាច្រើន។

សម្រាប់ព័ត៌មានបន្ថែម សូមចូលទៅកាន់
https://unit42.paloaltonetworks.com/gamaredon-primitive-bear-ukraine-update-2021/

Microsoft បង្ហាញព័ត៌មានលម្អិតថ្មីនៃយុទ្ធនាការលួចចូលរបស់រុស្សីលើអ៊ុយក្រែន

Microsoftបានចែករំលែក យុទ្ធសាស្ត្រ បច្ចេកទេស និងនីតិវិធីរបស់ក្រុមhackingដែលមានមូលដ្ឋាននៅរុស្ស៊ីដើម្បីជួយសម្រួល ដល់ការវាយប្រហារ តាមអ៊ីនធឺណិតដែល សំដៅទៅលើ អង្គភាពមួយចំនួនក្នុងប្រទេសអ៊ុយក្រែន ក្នុងរយៈពេលប្រាំមួយខែ កន្លងមកនេះ។ ការវាយប្រហារនេះ ត្រូវបានគេនិយាយថាផ្តោតលើរដ្ឋាភិបាល យោធា អង្គការមិនមែនរដ្ឋាភិបាល (NGO) ប្រព័ន្ធតុលាការ។ ការអនុវត្តច្បាប់ និងអង្គការមិនរកប្រាក់កម្រៃ ដែលមានគោលដៅចម្បង នៃការទាញយកព័ត៌មានរសើបនានា។

សម្រាប់ព័ត៌មានបន្ថែម សូមចូលទៅកាន់
https://thehackernews.com/2022/02/microsoft-uncovers-new-details-of.html

ការកត់សម្គាល់បឋមរបស់ EDPS លើ Spyware ទំនើប

អាជ្ញាធរការពារទិន្នន័យ របស់សហភាពអឺរ៉ុប បានអំពាវនាវឱ្យមាន ការហាមឃាត់លើការអភិវឌ្ឍ និងការប្រើប្រាស់ spyware ពាណិជ្ជកម្មដូចជា Pegasus នៅក្នុងតំបន់ ដោយបញ្ជាក់ថា “កម្រិតនៃការជ្រៀតជ្រែក ដែលមិនធ្លាប់មានពីមុនមក” របស់បច្ចេកវិទ្យា អាចបង្កគ្រោះថ្នាក់ដល់សិទ្ធិឯកជនភាពរបស់ អ្នកប្រើប្រាស់។ នៅក្នុងសេចក្តីថ្លែងការណ៍ ពួកគេបាននិយាយថា Pegasus មិនគួរត្រូវបានប្រៀបធៀបទៅនឹងឧបករណ៍ស្ទាក់ចាប់ Trojan របស់រដ្ឋាភិបាលនោះទេ EDPSបាននិយាយថា “សន្តិសុខជាតិ” ក៏មិនអាចប្រើជាលេសសម្រាប់ការប្រើប្រាស់បច្ចេកវិទ្យាបែបនេះបានដែរ។

សម្រាប់ព័ត៌មានបន្ថែម សូមចូលទៅកាន់
https://edps.europa.eu/data-protection/our-work/publications/papers/edps-preliminary-remarks-modern-spyware_en

ការវាយតម្លៃនៃការអភិវឌ្ឍអ៊ីនធឺណិតនៅក្នុងប្រទេសកម្ពុជា

បណ្ឌិតសភាបច្ចេកវិទ្យាឌីជីថលកម្ពុជា (CADT) បានសហការជាមួយ អង្គការយូណេស្កូ ហើយបានផ្តើមគំនិតផ្តួចផ្តើមមួយដើម្បីធ្វើការវាយតម្លៃការអភិវឌ្ឍអ៊ិនធឺណិតនៅកម្ពុជាដោយប្រើសូចនាករសកលនៃអ៊ីនធឺណិតរបស់អង្គការយូណេស្កូ។ ការវាយតម្លៃនេះនឹងផ្តល់នូវ មូលដ្ឋាននៃគោលនយោបាយអ៊ីនធឺណិត និងបរិយាកាសឌីជីថលរបស់កម្ពុជា។

សម្រាប់ព័ត៌មានបន្ថែម សូមចូលទៅកាន់
https://www.khmertimeskh.com/501012672/assessment-of-internet-development-in-cambodia-initiated/

March 2, 2022

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

February 11, 2022

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

អ្នកអាចសម្គាល់គេហទំព័រមួយថាមានសុវត្ថិភាព ដោយពិនិត្យមើលអាស័យដ្ឋាន(url) គេហទំព័រនោះ ថាមាន https ស្ថិតនៅខាងមុខឬក៏អត់។ អ្នកក៏អាចសម្គាល់ពីវត្តមានរបស់ https នេះតាមរយៈរូបតំណាង មេសោរ (padlock) នៅខាងមុខ url របស់គេហទំព័រនោះផងដែរ។

តើព័ត៌មានអ្វីខ្លះនឹងត្រូវបានលាតត្រដាង នៅលើគេហទំព័រ http

នៅពេលដែលអ្នកចូលទៅកាន់គេហទំព័រដែលមិនមានសុវត្ថិភាព (គេហទំព័រ http) ទិន្នន័យអំពីអ្នកជាច្រើននឹងត្រូវបានលាតត្រដាង។ ទិន្នន័យទាំងនោះរួមមាន ទីតាំងរបស់អ្នក (ទីតាំងដែលអ្នកភ្ជាប់ទៅកាន់អ៊ីនធឺណិត) កាលបរិច្ឆេទនៅពេលដែលអ្នកចូលមើលគេហទំព័រនោះ ទំព័រដែលអ្នកបានចូលមើល ព័ត៌មានគណនី និងពាក្យសម្ងាត់ដែលអ្នកវាយបញ្ចូលនៅពេលដែលអ្នកចូលទៅកាន់ទំព័រ login (ប្រសិនបើមាន) ព័ត៌មានដែលអ្នកបានបំពេញក្នុងទម្រង់ស្ទង់មតិ ឬទម្រង់ផ្សេងៗ (form) ប្រសិនបើមាន ព័ត៌មានពីឧបករណ៍របស់អ្នក (ប្រភេទឧបករណ៍ ម៉ូដែល ប្រព័ន្ធប្រតិបត្តិការ កម្មវិធីរុករក…) និងព័ត៌មានផ្សេងៗទៀត (metadata) ។

តើអ្នកណាខ្លះ និងឃើញព័ត៌មានទាំងនោះ?

១– ក្រុមឧក្រិដ្ឋជនលើអ៊ីនធឺណិត (hacker): ក្រុមនេះ អាចនៅគ្រប់ទីកន្លែង ពួកគេមានសមត្ថភាពក្នុងការចូលទៅកាន់ ឬវាយប្រហារប្រព័ន្ធបណ្តាញ (network) ដែលខ្សោយ ឬមានចន្លោះប្រហោង។ ពួកគេអាចជាអ្នកចាំធ្វើការតាមដានអ្នក ដោយសារតែអ្នកជាជនគោលដៅ ឬពួកគេជាក្រុមចោរនៅលើអ៊ីនធឺណិត ដែលព្យាយាមប្រមូលទិន្នន័យពីមនុស្សគ្រប់គ្នា ដើម្បីយកទៅលក់ ឬបម្រើឱ្យផលប្រយោជន៍របស់ក្រុមពួកគេ។ សូមចាំថា ជារៀងរាល់ថ្ងៃ ទំហំ និងសមត្ថភាពនៃការវាយប្រហារលើអ៊ីនធឺណិតកាន់តែមានលក្ខណៈខ្លាំងក្លាពីមួយថ្ងៃទៅមួយថ្ងៃ។

២– បុគ្គលិកព័ត៌មានវិទ្យា ឬអ្នកគ្រប់គ្រងអ៊ីនធឺណិត (IT / Network administrator): ក្រុមនេះ ជាអ្នកដែលស្ថិតក្នុងស្ថាប័នរបស់អ្នកតែម្តង ពួកគេអាចជាមន្រ្តីផ្នែកព័ត៌មានវិទ្យា (IT) ឬអ្នកគ្រប់គ្រងបណ្តាញអ៊ីនធឺណិតនៅកន្លែងរបស់អ្នកតែម្តង។ ប្រសិនបើពួកគេចង់ធ្វើការតាមដានពីអ្នក ពួកគេអាចចូលទៅក្នុងបណ្តាញប្រព័ន្ធរបស់អ្នកបានគ្រប់ពេល។

៣– ក្រុមហ៊ុនអ៊ីនធឺណិត (ISP): ក្រុមហ៊ុនអ៊ីនធឺណិតនៅទីនេះ សំដៅដល់ក្រុមហ៊ុនអ៊ីនធឺណិតដែលអ្នក ឬស្ថាប័នរបស់អ្នកបានភ្ជាប់ ឬបានទិញកញ្ចប់សេវាកម្មអ៊ីនធឺណិតមកប្រើ។ អ្នកត្រូវផ្តល់ព័ត៌មានផ្ទាល់ខ្លួន និងព័ត៌មានពីស្ថាប័នរបស់អ្នកលម្អិត ដើម្បីធ្វើការចុះឈ្មោះប្រើសេវាកម្មរបស់ពួកគេ។ ដោយសារតែពួកគេ ជាអ្នកភ្ជាប់អ៊ីនធឺណិតផ្ទាល់មកឱ្យអ្នកប្រើ ដូច្នេះពួកគេអាចដឹងពីសកម្មភាពនៅលើអ៊ីនធឺណិតរបស់អ្នកយ៉ាងច្រើន។ មុននឹងធ្វើការភ្ជាប់អ៊ីនធឺណិត អ្នកគួរពិនិត្យ និងស្វែងយល់អំពីគោលការណ៍សុវត្ថិភាព និងឯកជនភាពរបស់ក្រុមហ៊ុន ដើម្បីដឹងថា តើព័ត៌មានអ្វីខ្លះអំពីអ្នកត្រូវបានប្រមូលយក តើពួកព័ត៌មានរបស់អ្នកត្រូវបានរក្សាទុកប្រកបដោយសុវត្ថិភាពដែរឬទេ និងតើពួកគេនឹងចែកចាយព័ត៌មានរបស់អ្នកបន្តទៅឱ្យក្រុមណាខ្លះជាដើម។ ជាទូទៅ ក្រុមហ៊ុនអ៊ីនធឺណិតអាចចែករំលែកព័ត៌មានរបស់អ្នក ទៅកាន់ក្រុមជនទី៣ផ្សេងទៀត ដូចជាដៃគូពាណិជ្ជកម្មរបស់ពួក រដ្ឋាភិបាល និងក្រុមផ្សេងៗទៀតជាដើម។

៤– ក្រុមហ៊ុនអ៊ីនធឺណិត (ISP) របស់គេហទំព័រដែលអ្នកចូលមើល: ដើម្បីឱ្យគេហទំព័រមួយ អាចដំណើរការបាននៅលើអ៊ីនធឺណិត វាក៏ត្រូវតែភ្ជាប់ទៅកាន់អ៊ីនធឺណិតដែរ។ យើងអាចស្រមៃថា ម៉ាស៊ីនមេ (server) ដែលផ្ទុកគេហទំព័រណាមួយ គឺវាក៏ជាម៉ាស៊ីនកុំព្យូទ័រមួយដែរ ដែលម៉ាស៊ីនកុំព្យូទ័រនោះត្រូវតែភ្ជាប់ទៅកាន់ អ៊ីនធឺណិត ដោយឱ្យគ្រប់គ្រប់គ្នាអាចចូលទៅមើល (access) គេហទំព័រនោះបាន។

ប្រសិនបើគេហទំព័រដែលអ្នកចូលមើល បង្ហោះនៅក្នុងប្រទេស នោះក្រុមហ៊ុនអ៊ីនធឺណិតដែលភ្ជាប់ទៅកាន់គេហទំព័រនោះ ក៏មានទីតាំងនៅក្នុងប្រទេសនោះដែរ។ ផ្ទុយមកវិញ ក្រុមហ៊ុនអ៊ីនធឺណិតនោះ ជាក្រុមហ៊ុនក្រៅប្រទេស បើគេហទំព័រនោះបង្ហោះនៅក្រៅប្រទេស។ ក្រុមហ៊ុនអ៊ីនធឺណិត (ISP) តែងតែចែករំលែកព័ត៌មាន និងទិន្នន័យរបស់អ្នកប្រើប្រាស់បន្តទៅកាន់ដៃគូដែលពាក់ព័ន្ធ ក្រោមលក្ខខណ្ឌច្បាប់ ឬការព្រមព្រៀងពាណិជ្ជកម្មផ្សេងៗ ដូចនេះ ប្រសិនបើអ្នកជាម្ចាស់គេហទំព័រ អ្នកគួរពិចារណាបង្ហោះគេហទំព័ររបស់អ្នក ជាមួយក្រុមហ៊ុន និងប្រទេសដែលមានច្បាប់ និងគោលការណ៍ដែលគោរព និងការពារទិន្នន័យរបស់អ្នកប្រើប្រាស់បានល្អប្រសើរ។

៥– ម្ចាស់គេហទំព័រ: ដោយសារតែពួកគេជាម្ចាស់គេហទំព័រ និងជាគោលដៅចុងក្រោយរបស់អ្នកប្រើប្រាស់ ដូច្នេះ ពួកគេក៏ជាក្រុមដែលមានសិទ្ធិដែលអាចចូលទៅត្រួតពិនិត្យ និងរក្សាទុកព័ត៌មាន និងទិន្នន័យរបស់អ្នកប្រើប្រាស់ច្រើនជាងគេដែរ។

អ្នកប្រហែលជាធ្លាប់ឮពីការបែកធ្លាយព័ត៌មានសម្ងាត់ ដូចជាព័ត៌មានអំពីគណនីរបស់អ្នកប្រាស់ ពាក្យសម្ងាត់ និងព័ត៌មានផ្ទាល់ខ្លួនជាច្រើន ចេញពីគេហទំព័រធំៗដូចជា Facebook ជាដើម។ល។ អ្នកត្រូវដឹងថា រាល់ព័ត៌មានដែលអ្នកបានផ្តល់ជូនទៅកាន់គេហទំព័រទាំងនោះ ដូចជាព័ត៌មាននៅពេលដែលអ្នកបានបំពេញនៅពេលចុះឈ្មោះ ព័ត៌មានពីគណនីធនាគារជាដើម និងត្រូវបានរក្សាទុកដោយម្ចាស់គេហទំព័រផ្ទាល់តែម្តង។ ប្រសិនបើគេហទំព័រនោះជា គេហទំព័រសាមញ្ញ ដែលមិនតម្រូវឱ្យអ្នកចុះឈ្មោះ ឬផ្តល់ព័ត៌មានអ្វីនោះទេ (ឧ. គេហទំព័រ សារព័ត៌មាន ឬគេហទំព័ររបស់ស្ថាប័នណាមួយជាដើម) ពួកគេក៏អាច ប្រើឃុកឃី (cookie) ឬដាក់នូវកម្មវិធីតាមដានអ្នកប្រើប្រាស់ (ឧ. ប្រើកម្មវិធីរបស់ក្រុមហ៊ុនហ្គូហ្គល ដូចជា Google Analytic) ដើម្បីសិក្សាពីអ្នកប្រើប្រាស់ ក្នុងគោលបំណង បំពេញចំណុចខ្វះខាត និងអភិវឌ្ឍន៍គេហទំព័រនោះ ឱ្យប្រសើរឡើងស្របតាមតម្រូវការរបស់ចូលទៅមើលគេហទំព័រ។ នេះមានន័យថា ពួកគេបានសហការជាមួយក្រុមហ៊ុនទីបីផ្សេងទៀត ដើម្បីទាញយកទិន្នន័យពីអ្នក។

តើព័ត៌មានអ្វីខ្លះនឹងត្រូវបានលាតត្រដាង នៅលើគេហទំព័រ https

នៅពេលដែលអ្នកចូលទៅកាន់គេហទំព័រដែលមាន https ព័ត៌មានដែលរបស់អ្នកនឹងត្រូវបានធ្វើកូដនីយកម្ម (encrypt) ឱ្យមានសុវត្ថិភាពជាងមុន មានន័យថាព័ត៌មានមួយចំនួនដូចជា ព័ត៌មានអំពីទីតាំងរបស់អ្នក ឈ្មោះគេហទំព័រដែលអ្នកចូលមើល ក៏នៅតែត្រូវបានបង្ហាញទៅកាន់ក្រុមដូចដែលបានរៀបរាប់ខាងលើ។ ប៉ុន្តែព័ត៌មានសំខាន់ជាច្រើន ដូចជាព័ត៌មានអំពីគណនីរបស់អ្នក ពាក្យសម្ងាត់ ជាដើម្បីនឹងត្រូវបានការពារ ឬធ្វើកូដនីយកម្ម (encrypt) តាមរយៈ https នេះ។

ទោះបីជាពួកគេនៅដឹងថាអ្នកបានចូលទៅកាន់គេហទំព័រមួយណា (ឧ. គេដឹងថា អ្នកបានចូលទៅកាន់គេហទំព័រ news.com) ប៉ុន្តែគេមិនអាចដឹងថា អ្នកបានចូលទៅកាន់ទំព័រណាខ្លះនៃគេហទំព័រនោះទេ (ឧ. គេមិនដឹងថា អ្នកចូលទៅកាន់ទំព័រ news.com/protests នោះទេ)។ តែសូមចាំថា https នៅតែអាចបំបែកបាន ក្នុងទម្រង់នៃការវាយប្រហារកម្រិតខ្ពស់ ជាមួយនឹងសមត្ថភាព និងឧបករណ៍ទំនើបៗ។ ក្រុមអ្នកវាយប្រហារ នៅតែអាចបំបែកគេហទំព័រដែលមាន https បាន។ ប៉ុន្តែទោះជាយ៉ាងណាក៏ដោយ ជាមួយនឹងគេហទំព័រដែលមាន https និងជួយការពារអ្នកឱ្យមានសុវត្ថិភាពក្នុងកម្រិតមួយខ្ពស់ដែរ។ ដូច្នេះសូមស្វែងរក https រាល់ពេលដែលអ្នកចូលទៅកាន់គេហទំព័រណាមួយ និងកុំផ្តល់ព័ត៌មានសំខាន់ៗ ដូចជាពាក្យសម្ងាត់ ឬព័ត៌មានពីគណនីធនាគាររបស់អ្នកលើគេហទំព័រដែលមិនមាន https។ អ្នកអាចតម្លើងកម្មវិធី https everywhere នៅលើកម្មវិធីរុករក (browser) របស់អ្នក ដើម្បីឱ្យប្រាកដថា អ្នកប្រើ https គ្រប់ពេលវេលា ឬក៏អ្នកអាចបើកមុខងារ https only mode នៅលើ Firefox និងបើកមុខងារ Turn on HTTPS-First mode នៅលើ Google Chrome។

ប្រភព៖

February 11, 2022

Tag: សុវត្ថិភាពលើអ៊ីនធឺណិត

ការប្រើប្រាស់កម្មវិធី Tor នៅក្នុងប្រទេសរុស្សី

រដ្ឋាភិបាលឥណ្ឌាព្យាយាមគ្រប់គ្រងការប្រើប្រាស់ VPN

កំណត់មិនឱ្យក្រុមហ៊ុនអ៊ីនធឺណិត (ISP) ដឹងពីគេហទំព័រដែលអ្នកចូលមើលតាមរយៈមុខងារ DNS over HTTPS

DNS ជាអ្វី?

តើ DNS ដំណើរការយ៉ាងដូចម្តេច?

អ្វីជា DNS over HTTPS?

របៀបបើកមុខងារ DoH នៅលើ Firefox

របៀបបើកមុខងារ DoH នៅលើទូរស័ព្ទ Android

របៀបបើកមុខងារ DoH នៅលើកុំព្យូទ័រប្រើ Windows 11

សង្ខេបព័ត៌មានអំពីសុវត្ថិភាពឌីជីថលប្រចាំខែកុម្ភៈ ឆ្នាំ២០២២

ក្រុមហ៊ុន Gamaredon របស់រុស្ស៊ី កំពុងកំណត់គោលដៅយ៉ាងសកម្មលើអ៊ុយក្រែន

Microsoft បង្ហាញព័ត៌មានលម្អិតថ្មីនៃយុទ្ធនាការលួចចូលរបស់រុស្សីលើអ៊ុយក្រែន

ការកត់សម្គាល់បឋមរបស់ EDPS លើ Spyware ទំនើប

ការវាយតម្លៃនៃការអភិវឌ្ឍអ៊ីនធឺណិតនៅក្នុងប្រទេសកម្ពុជា

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

តើព័ត៌មានអ្វីខ្លះនឹងត្រូវបានលាតត្រដាង នៅលើគេហទំព័រ http

តើអ្នកណាខ្លះ និងឃើញព័ត៌មានទាំងនោះ?

បណ្តាញសង្គម

Tag: សុវត្ថិភាពលើអ៊ីនធឺណិត

ការ​ប្រើ​ប្រាស់​កម្ម​វិធី​ Tor ​នៅ​ក្នុង​ប្រ​ទេស​រុស្សី​

រដ្ឋាភិបាល​ឥណ្ឌា​ព្យាយាម​គ្រប់​គ្រង​ការ​ប្រើ​ប្រាស់ VPN

កំណត់​មិន​ឱ្យ​ក្រុម​ហ៊ុន​អ៊ីនធឺណិត (ISP) ដឹង​ពី​គេហទំព័រ​ដែល​អ្នក​ចូល​មើល​តាម​រយៈមុខងារ DNS over HTTPS

DNS ជាអ្វី?

តើ DNS ដំណើរការយ៉ាងដូចម្តេច?

អ្វី​ជា DNS over HTTPS?

របៀប​បើក​មុខ​ងារ DoH នៅ​លើ Firefox

របៀប​បើក​មុខ​ងារ DoH នៅ​លើទូរស័ព្ទ Android

របៀប​បើក​មុខ​ងារ DoH នៅ​លើកុំព្យូទ័រប្រើ Windows 11

សង្ខេបព័ត៌មានអំពីសុវត្ថិភាពឌីជីថលប្រចាំខែកុម្ភៈ ឆ្នាំ២០២២

ក្រុមហ៊ុន Gamaredon របស់​រុស្ស៊ី កំពុង​កំណត់​គោល​ដៅ​យ៉ាង​សកម្ម​លើ​អ៊ុយក្រែន

Microsoft បង្ហាញ​ព័ត៌​មាន​លម្អិត​ថ្មី​នៃ​យុទ្ធនាការ​លួច​ចូល​របស់​រុស្សី​លើ​អ៊ុយក្រែន

ការ​កត់​សម្គាល់​បឋម​របស់ EDPS លើ Spyware ទំនើប

ការ​វាយ​តម្លៃ​នៃ​ការ​អភិវឌ្ឍ​អ៊ីនធឺណិត​នៅ​ក្នុង​ប្រទេស​កម្ពុជា

សុវត្ថិភាព​ក្នុង​ការ​រុក​រក​លើ​អ៊ីន​ធឺណិត​ជា​មួយ​នឹង​ HTTPS

សុវត្ថិភាព​ក្នុង​ការ​រុក​រក​លើ​អ៊ីន​ធឺណិត​ជា​មួយ​នឹង​ HTTPS

តើ​ព័ត៌​មាន​អ្វី​ខ្លះ​នឹង​ត្រូវ​បាន​លាត​ត្រដាង នៅ​លើ​គេហទំព័រ http

តើ​អ្នក​ណា​ខ្លះ និង​ឃើញ​ព័ត៌​មាន​ទាំង​នោះ?

ការប្រើប្រាស់កម្មវិធី Tor នៅក្នុងប្រទេសរុស្សី

រដ្ឋាភិបាលឥណ្ឌាព្យាយាមគ្រប់គ្រងការប្រើប្រាស់ VPN

កំណត់មិនឱ្យក្រុមហ៊ុនអ៊ីនធឺណិត (ISP) ដឹងពីគេហទំព័រដែលអ្នកចូលមើលតាមរយៈមុខងារ DNS over HTTPS

អ្វីជា DNS over HTTPS?

របៀបបើកមុខងារ DoH នៅលើ Firefox

របៀបបើកមុខងារ DoH នៅលើទូរស័ព្ទ Android

របៀបបើកមុខងារ DoH នៅលើកុំព្យូទ័រប្រើ Windows 11

ក្រុមហ៊ុន Gamaredon របស់រុស្ស៊ី កំពុងកំណត់គោលដៅយ៉ាងសកម្មលើអ៊ុយក្រែន

Microsoft បង្ហាញព័ត៌មានលម្អិតថ្មីនៃយុទ្ធនាការលួចចូលរបស់រុស្សីលើអ៊ុយក្រែន

ការកត់សម្គាល់បឋមរបស់ EDPS លើ Spyware ទំនើប

ការវាយតម្លៃនៃការអភិវឌ្ឍអ៊ីនធឺណិតនៅក្នុងប្រទេសកម្ពុជា

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

សុវត្ថិភាពក្នុងការរុករកលើអ៊ីនធឺណិតជាមួយនឹង HTTPS

តើព័ត៌មានអ្វីខ្លះនឹងត្រូវបានលាតត្រដាង នៅលើគេហទំព័រ http

តើអ្នកណាខ្លះ និងឃើញព័ត៌មានទាំងនោះ?