ការរំលោភបំពាននៃពាក្យសម្ងាត់គឺជាបញ្ហាមួយដ៏សំខាន់ដែលយើងទាំងអស់គ្នាគួរចាប់អារម្មណ៍។ វាបានធ្វើឲ្យប៉ះពាល់ជាខ្លាំងដល់សុវត្ថិភាពនិងឯកជនភាពនៃលើប្រព័ន្ធអ៊ីនធឺណិត។យ៉ាងណាមិញយើងទាំងអស់គ្នាអាចកាត់បន្ថយពីការលួចចូលទិន្នន័យឬការរំលោភបំពានទិន្នន័យរបស់អ្នកតាមវិធីល្អបំផុតគឺអនុញ្ញាតឱ្យមានការផ្ទៀងផ្ទាត់ពីរជាន់(TwoFactorAuthentication)នៅលើគណនីដែលអ្នកប្រើជាប្រចាំ។ ការបន្ថែមទម្រង់ទី២ នៃការផ្ទៀងផ្ទាត់ភាពត្រឹមត្រូវ(ជាធម្មតាតាមលេខកូដដែលបង្កើតឬផ្ញើទៅឧបករណ៍ដែលអ្នកមាន)អាចធានាថាគ្មាននរណាម្នាក់ចូលប្រើគណនីរបស់អ្នកទេ ទោះបីពួកគេមានលេខសម្ងាត់ក៏ដោយ។
មាតិកា
អ្វីទៅជាការផ្ទៀងផ្ទាត់ពីរជាន់ ឬ 2FA?
ការផ្ទៀងផ្ទាត់ពីរជាន់ (Two Factor Authentication) ឬ 2FA គឺជាស្រទាប់សុវត្ថិភាពបន្ថែមដែលត្រូវបានប្រើ ដើម្បីធ្វើឲ្យប្រាកដថាមនុស្សដែលចូលទៅគណនីរបស់អ្នកគឺជាអ្នកប្រាកដពិតមែន។ ដំបូង អ្នកត្រូវការឈ្មោះសម្គាល់(Username) និងពាក្យសម្ងាត់(Password)ដើម្បីចូលទៅគណនីរបស់អ្នក។ បន្ទាប់មកជំនួសឲ្យការចូលភ្លាមៗទៅកាន់គណនីរបស់អ្នកអ្នកត្រូវការព័ត៌មានបន្ថែមដើម្បីចូលទៅកាន់គណនីរបស់អ្នកដែលក្នុងនោះរួមមានលេខសម្ងាត់ជាដើម។
អត្ថបទខាងក្រោមនេះ យើងនឹងបង្ហាញពីរបៀបក្នុងការដាក់ការផ្ទៀងផ្ទាត់ពីរជាន់ ឬ2FA តាមរយៈសារ SMS ចំពោះទូរស័ព្ទដែលប្រើប្រព័ន្ធប្រតិបត្តិការ Android ។
របៀបបើកមុខងារ 2FA លើ Facebook
ជំហានទី១៖
1- ចុចលើនិមិត្តសញ្ញា និមិត្តសញ្ញា Settings ( ≡ ) → 2- ចុចលើ Settings & Privacy → 3- ចុចលើ Settings
ជំហានទី២៖
4- ចុចលើ Password and Security → 5- អូសចុះក្រោម ស្វែងរក Two-Factor Authentication បន្ទាប់មកចុចលើ Use two-factor authentication
ជំហានទី៣៖
ត្រង់កន្លែងនេះ មានជម្រើស៣ក្នុងការបើកមុខងារ 2FA ដែលទី១គឺការបើកមុខងារនេះតាមរយៈ កម្មវិធី Authentication ឬ Authentication app ដែលកម្មវិធីទាំងនោះមានដូចជា កម្មវិធី Google Authenticator ជាដើម។ល។ ការប្រើ Authentication app ជាវិធីសាស្រ្តមួយដែលមានសុវត្ថិភាពខ្ពស់ និងមិនសូវស្មុគស្មាញក្នុងការប្រើប្រាស់ ហើយតែងតែត្រូវបានណែនាំឱ្យប្រើប្រាស់។ ទី២គឺ ការប្រើមុខងារសារ SMS ឬ Text message (SMS) ដែលមុខងារនេះ លេខកូដ 2FA នឹងផ្ញើចូលទៅកាន់សារ SMS នៃលេខទូរស័ព្ទរបស់អ្នក។ និងវិធីសាស្រ្តទី៣ គឺការប្រើ ឧបករណ៍ផ្នែករឹង ឬគេហៅថា Security Key។ វីធីសាស្រ្តចុងក្រោយនេះ គឺតម្រូវឱ្យអ្នកមានឧបករណ៍នោះ រួចដោតភ្ជាប់ជាមួយកុំព្យូទ័រ ឬទូរស័ព្ទ ឬប្រើ Bluetooth ជាដើម នោះទើបអាចចូលទៅកាន់គណនីរបស់អ្នកបាន។
ទោះជាយ៉ាងណាក៏ដោយ ក្នុងអត្ថបទនេះ យើងជ្រើសរើសយកការបើកមុខងារ 2FA ជាមួយសារ SMS ដែលដែលងាយស្រួល និងដែលគ្រប់គ្នាអាចអនុវត្តបាន។
6- ដើម្បីជ្រើសរើសប្រើមុខងារសារ SMS អ្នកត្រូវជ្រើសរើសយក Text Message (SMS) → 7- ចុចលើប៊ូតុង Continue។ 8- ជ្រើសរើសលេខទូរស័ព្ទ ដែលមានស្រាប់ ឬអ្នកអាចដាក់លេខទូរស័ព្ទថ្មី ដែលអ្នកកំពុងប្រើប្រាស់។ សូមចាំថា អ្នកត្រូវមានទូរស័ព្ទ ដែលមានលេខទូរស័ព្ទ ដែលអ្នកបានជ្រើសរើស ឬដាក់បញ្ជូលនោះនៅជិតខ្លួនអ្នក ព្រោះ Facebook នឹងផ្ញើសារលេខកូដ ទៅកាន់លេខទូរស័ព្ទនោះ បន្ទាប់ពីអ្នកចុចលើ Continue។ 9- ចុចលើប៊ូតុង Continue។
ជំហានទី៤៖
10- ហ្វេសប៊ុក និងផ្ញើលេខកូដ៦ខ្ទង់ ទៅកាន់លេខទូរស័ព្ទដែលអ្នកបានជ្រើសរើស ឬដាក់បញ្ចូលនៅក្នុងជំហានទី៣។ សូមពិនិត្យមើលប្រអប់សារ ក្នុងទូរស័ព្ទរបស់អ្នក ស្វែងរកលេខកូដ ៦ខ្ទង់នោះ។ 11- បំពេញលេខកូដនោះចូលក្នុងប្រអប់ Enter code → 12- ចុចលើប៊ូតុង Continue។
ជំហានទី៥៖
13- ផ្ទាំងនេះបញ្ជាក់ថា អ្នកបានបើកមុខងារ 2FA បានដោយជោគជ័យ (Two-Factor Authentication is On) ។ សូមចុចលើ ប៊ូតុង Done។ 14- Recovery Codes ជាកន្លែងដែលអ្នកអាច ទទួលបានលេខកូដ ចំនួន១០ជួរបន្ថែម ដែលអ្នកអាចប្រើបានចំនួន១០ដង ក្នុងករណីដែលអ្នកមិនមានទួរស័ព្ទរបស់អ្នកនៅជិតខ្លួន ឬក្នុងករណីដែលអ្នកធ្វើដំណើរទៅក្រៅប្រទេស ដែលមិនអាចប្រើលេខទូរស័ព្ទរបស់អ្នកបាន ឬក្នុងករណីដែលអ្នកបាត់ ឬខូចទូរស័ព្ទជាដើម។ល។ សូមរក្សាទុកលេខកូដចំនួន១០ជួរនេះ នៅកន្លែងដែលមានសុវត្ថិភាព។ 15- ក្នុងករណីដែលអ្នកគិតថា មានអ្នកផ្សេងដឹងលេខកូដរបស់អ្នក ឬអ្នកបានប្រើលេខកូដទាំង១០ជួរនេះអស់ហើយ អ្នកក៏អាចបង្កើតលេខកូដចំនួន១០ ជួរបន្ថែមទៀតបានដែរ ដោយចុចលើ Get New Codes។ ចុចលើប៊ូតុង Copy Codes រួចធ្វើការ Paste កូដទាំងនោះ នៅលើកម្មវិធីណាមួយ ដូចជាលើ Microsoft Word ជាដើម។
របៀបបើកមុខងារ 2FA លើ TikTok
ជំហានទី១៖
1- ចុចលើរូប Profile របស់អ្នក → 2- ចុចលើនិមិត្តសញ្ញា Settings (≡) → 3- ចុចលើ Security and login។
ជំហានទី២៖
4- ចុចលើ 2-step verification → 5- ជ្រើសរើសយកជម្រើសណាមួយក្នុងចំណោម SMS និង Email។ ក្នុងការបង្ហាញនេះ យើងជ្រើសរើសយក SMS ដែលមានន័យ ថា TikTok នឹងផ្ញើលេខកូដ 2FA ចូលទៅក្នុងសារ SMS ក្នុងទូរស័ព្ទរបស់អ្នក។ 6- ចុចលើប៊ូតុង Turn on។
ជំហានទី៣៖
7- បន្ទាប់អ្នកបានចុចលើប៊ូតុង Turn on រួចរាល់ហើយ អ្នកនឹងឃើញផ្ទាំងមួយនេះលោតឡើង ដែលមានន័យថា អ្នកបានបើកមុខងារ 2FA រួចរាល់ហើយ។ 8- អ្នកអាចសាកល្បងចាកចេញពី គណនី TikTok របស់អ្នក និងចូលទៅកាន់គណនីនេះម្តងទៀត។ ការចូលទៅប្រើ គណនីរបស់អ្នកម្តងទៀត បន្ទាប់ពីអ្នកបានបើកមុខងារ 2FA នោះវានឹងទាមទារលេខកូដ 2FA មួយទៀត បន្ថែមពីលេខពាក្យសម្ងាត់របស់អ្នក។ 9- សូមចូលទៅស្វែងរកលេខកូដ 2FA នេះនៅក្នុង សារSMS ក្នុងទូរស័ព្ទរបស់អ្នក។ 10- បន្ទាប់ពីអ្នកទទួលបានលេខកូដហើយ សូមបំពេញលេខកូដនោះចូល។ 11- បន្ទាប់មកចុច Next។
របៀបបើកមុខងារ 2FA លើ Instagram
ជំហានទី១៖ 1- ចុចលើរូប Profile → 2- ចុចលើនិមិត្តសញ្ញា Settings (≡) → 3- ចុចលើ Settings
ជំហានទី២៖
4- ចុចលើ Security → 5- ចុចលើ Two-Factor Authentication
ជំហានទី៣៖
6- ចុចលើ Get Started → ជ្រើសរើសជម្រើសក្នុងការបើកមុខងារ 2FA។ 7- ក្នុងឧទាហរណ៍នេះ យើងជ្រើសរើសយក ការបើកដំណើរការមុខងារ 2FA ជាមួយនឹង សារ SMS ដោយជ្រើសរើសយក Text Message
ជំហានទី៤៖
8- បន្ទាប់មក អ្នកនឹងឃើញ ផ្ទាំងមួយទៀតលោតឡើង ដើម្បីឱ្យអ្នកបំពេញលេខកូដ៦ខ្ទង់ ដែលបានផ្ញើទៅកាន់លេខទូរស័ព្ទរបស់អ្នក។ 9- សូមពិនិត្យមើលសារទូរស័ព្ទរបស់អ្នក ស្វែងរកលេខកូដ៦ខ្ទង់។ 10– បំពេញលេខកូដ៦ខ្ទង់ បន្ទាប់មកចុច Next។
ជំហានទី៥ៈ
11- ចុច Done។ 12– បន្ទាប់ពី ចុច Done អ្នកនឹងឃើញផ្ទាំងមួយទៀតលោតឡើង ដែលអនុញ្ញាតឱ្យអ្នកអាចរក្សាទុកលេខកូដដែលអាចប្រើបានចំនួន៥ដង។ លេខកូដទាំងនេះ មានសារៈសំខាន់ណាស់ ព្រោះអ្នកអាចប្រើវាបាន ក្នុងករណីដែលអ្នកមិនអាច ប្រើលេខទូរស័ព្ទអ្នកបាន។ ប្រសិនបើអ្នក ប្រើលេខកូដទាំង៥នោះអស់ ឬប្រសិនបើអ្នកគិតថា អ្នកមានអ្នកផ្សេងដឹងលេខកូដដែលអ្នកបានរក្សាទុក អ្នកអាចបង្កើតលេខកូដថ្មីបាន ដោយចុចលើ Get New Codes។
របៀបបើកមុខងារ 2FA លើ Twitter
ជំហានទី១៖
1- ចុចនៅលើរូប Profile របស់អ្នក → 2- បន្ទាប់មកចុចលើ Settings and privacy
ជំហានទី២៖
3- ចុចលើ Privacy and safety → 4- បន្ទាប់មកចុចលើ Security
ជំហានទី៣៖
5- ចុចលើ Two-factor authentication → 6- បន្ទាប់មកធីក យកជម្រើសណាមួយក្នុងចំណោមជម្រើសទាំងបី។ សម្រាប់ការបង្ហាញនេះ យើងជ្រើសរើសយក Text message ដែលមានន័យថា យើងនឹងទទួលបានលេខកូដ 2FA នៅក្នុងប្រអប់សារ SMS តាមរយៈលេខទូរស័ព្ទរបស់យើង។
ប្រសិនបើអ្នកជ្រើសរើសយក Authentication app នោះអ្នកនឹងត្រូវតម្លើងកម្មវិធី Authentication ណាមួយចូលទៅក្នុងទូរស័ព្ទរបស់អ្នកជាមុន ហើយអ្នកប្រើលេខកូដចេញពីកម្មវិធីនោះ។ សម្រាប់ Security key វាគឺជាឧបករណ៍មួយដែល ត្រូវឱ្យអ្នកដោតចូលទៅក្នុងកុំព្យូទ័រ ឬទូស័ព្ទជំនួសឱ្យការវាយបញ្ជូលកូដ។
ជំហានទី៤៖
7- ចុចលើប៊ូតុង Get started → 8- បន្ទាប់មកវាយបញ្ចូលពាក្យសម្ងាត់របស់អ្នកឱ្យបានត្រឹមត្រូវ រួចចុចលើប៊ូតុង Verify
ជំហានទី៥៖
9- វាយបញ្ចូលលេខទូរស័ព្ទរបស់អ្នកឱ្យបានត្រឹមត្រូវ → 10- បើកមើលសារ SMS នៅក្នុងទូរស័ព្ទរបស់អ្នក ស្វែងរកសារពី Twitter ជាមួយនឹងលេខកូដ៦ខ្ទង់ → 11- បំពេញលេខកូដ៦ខ្ទង់នោះ បន្ទាប់មកចុច Next។
ជំហានទី៦៖
12- អ្នកនឹងឃើញលេខកូដដែលគេឱ្យឈ្មោះថា Single-use backup code ដែលលេខនេះ អ្នកអាចប្រើបានម្តង ជំនួសលេខកូដនៅក្នុង SMS ក្នុងករណីដែលអ្នក មិនអាចប្រើទូរស័ព្ទអ្នកបាន។ សូមរក្សាទុកលេខកូដសម្ងាត់នេះ នៅកន្លែងដែលមានសុវត្ថិភាព។
13- សញ្ញាធីកនៅលើ Text message បញ្ជាក់ថា អ្នកបានបើកមុខងារ 2FA រួចរាល់ហើយ ជាមួយនឹង Text message។
