រូបភាពៈ Bild: Ascannio / Shutterstock.com
Threads គឺជាកម្មវិធីបណ្តាញសង្គមមួយ ដែលផ្តោតមាតិកាជាអក្សរ ដូច Twitter ដែរ។ អ្នកប្រើប្រាស់អាចភ្ជាប់គណនី និងចុះឈ្មោះប្រើកម្មវិធីថ្មីនេះតាមរយៈគណនី Instagram របស់ពួកគេបាន ហើយពួកគេក៏អាចធ្វើការភ្ជាប់ទំនាក់ទំនងជាមួយមិត្តភ័ក្តិដែលពួកមានស្រាប់នៅលើ Instagram របស់ពួកគេបានផងដែរ។
មុខងាររបស់ Threads ស្រដៀងគ្នាទៅនឹង Twitter ដែរ ដូចដែលអ្នកប្រើប្រាស់អាចធ្វើការបង្ហោះសារឡើងវិញ (reposting) អាចចុចចូលចិត្ត (like) និងអាចកំណត់ ថាតើអ្នកណាខ្លះអាច ឬមិនអាចឆ្លើយតប (reply) ទៅនឹងអ្វីដែលពួកគេបានបង្ហោះ។ កម្មវិធីនេះក៏មានបញ្ជី មិត្តជិតស្និទ្ធ (close friends) ដែលផ្តល់ជម្រើសឱ្យអ្នកប្រើប្រាស់ចែករំលែកការបង្ហោះរបស់ពួកគេ តែជាមួយក្រុមមនុស្សដែលពួកគេបានជ្រើសរើស។
Meta និងកម្មវិធីបណ្តាញសង្គមថ្មីផ្សេងទៀតដូចជា BlueSky ដែលបង្កើតឡើងដោយអតីតសហស្ថាបនិករបស់ Twitter និង Mastodon សុទ្ធតែជាកម្មវិធីថ្មី បង្កើតឡើងប្រកួតប្រជែងនឹង Twitter ក្នុងអំឡុងពេល Twitter មានបញ្ហា និងមានការរិះគន់ជាច្រើនចាប់តាំងពី Elon Musk បានចូលកាន់កាប់កាលពីចុងឆ្នាំមុន។
កត្តាមួយដែលអាចធ្វើឱ្យអ្នកប្រើប្រាស់ស្ទាក់ស្ទើរក្នុងការប្តូរទៅប្រើកម្មវិធីថ្មីរបស់ Meta នេះ គឺបញ្ហាឯកជនភាព របស់ពួកគេ។ Threads ប្រមូលទិន្នន័យ ច្រើនពីអ្នកប្រើប្រាស់បើធៀបនឹងកម្មវិធីផ្សេង កម្មវិធីនេះប្រមូល ទិន្នន័យទាក់ទងនឹងសុខភាព (Health) ព័ត៌មានហិរញ្ញវត្ថុ (Financial Information) ព័ត៌មានទំនាក់ទំនង (Contact Information) ប្រវត្តិនៃការស្រាវជ្រាវ (Browsing History) ព័ត៌មានអំពីទីតាំង (Location) និងព័ត៌មានអំពីការបញ្ជាទិញរបស់អ្នកប្រើប្រាស់ជាដើម។ល។
ប្រៀបធៀបនឹង BlueSky ពួកគេប្រមូលតែព័ត៌មានសំខាន់ៗដូចជា ព័ត៌មានទំនាក់ទំនង (Contact Information) ព័ត៌មានអំពីមាតិការបស់អ្នកប្រើប្រាស់ (User Content) និងអត្តសញ្ញាណរបស់អ្នកប្រើប្រាស់ (User Identification)។ ដោយឡែក Twitter វិញប្រមូលទិន្នន័យពីការបញ្ជាទិញ (Purchase) ព័ត៌មានអំពីការទំនាក់ទំនង (Contact Information) ទីតាំង (Location) បញ្ជីទំនាក់ទំនង និងប្រវត្តិនៃការស្រាវជ្រាវ (Contact and Browsing History)
ប្រភពៈ
